ياراكب زينة الزولي = مزعوجة من هل اللبه

[سليمان الجعفري]

((اليوم جايب لكم هجينيه من طلعت على وجه الدنيا وانا اسمعها وان شاءالله تعجبكم ))

كان أسمير بن راضي الرويلي له عشيقه وسافر يدورالرزق وقال لصديقه مغنام بن حامد السبيعي تكفى يامغنام انتبه لمعشوقتي لايجيها احد بعدي ولكن بعد مدة لاحض مغنام ان شحص اسمه جراد يدور حولها وكان ينوي يخطبها ومن ثم قصد مغنام بن حامد السبيعي هذه الابيات وهي من نوع الهجيني وارسلها الى صديقه أسمير بن راضي الرويلي يخبره بماحصل لمعشوقته من بعده وهي معروفه هذه الابيات ودائماً يرددها اكثرالناس وقليل اللي مايعرفها وخاصه اهل الشمال

يقول: مغنام بن حامد السبيعي

ياراكب زينة الزولي = مزعوجة من هل اللبه
سلّم على راعي الشولي = من خوف قلبه يعذبه
قله ترى الزرع ماكولي = جاه الجراد وتناكبه
خلا بساتينه محولي = أكل عيدانه باثر حبه
القيق يطلع على الحولي = ياكل حصيده ويلعبه
وتراي أنا صرت مخيولي = وأوداعتي زاد نهبه
مالي على الناس دالولي = بوق العهد كايد طبه

وقد ردعليه أسمير بن راضي الرويلي يقول:

افداك انا وكل مجمولي = يا شوق غرو زها الجبه
متغربن ضايق جولي = ولا أريش العين بـالكبه
وكان الجراده لها افعولي = عـمودها غير نلعبه
لعب الحواصيد بحقولي = يــوم المناجل تعاقبه
أول مـا نجناه بعدولي = وعقب الجحايم تلهبه
من غير اللي نذبحه غولي = حراج ولا يوصل الصبه
ولا ياخذ الناس حنشولي = سـروق ولا يرزقه ربه

[رابح الغضيان]

قصه جميله

وقصيدتين اجمل

الاستاذ الرائع

سليمان الجعفري


مااجمل ذوقك

رائع يالغالي

تحياتي لشخصك العزيز

[عوض بن خميس]

ابو عادل سلمت على هذة الهجينيات
لك منى كل الشكر والعرفان على هذا
الحضور لمميز
تحياتى ومودتى

[مشاري البواريد]

أطربتني هذه القصة والقصائد الجميلة

سليمان الجعفري .. شكراً جزيلاً و بيض الله وجهك

تقبل مروري ،،،

[نافع عيد الجديد]

قصه جميله

وقصيدتين اجمل

الاستاذ الرائع

سليمان الجعفري

بيض الله وجهك على هذا الاختيار

[محمد خلف الزايدي]

أخي القدير سليمان الجعفري,,

صح لسانك وأطال الله في عمرك على التقوى وأنت تنعم بثياب الصحه ,
أخي الغالي هذه المقتطفات من الموروث الشعبي تعيد ذكريات الماضي
التي كثير من الناس اهملوها . فللّه درّك تلتمس كل ذوق في مهاره
جزاك الله خير وبيض الله وجهك ورحم والديك ,,,,,

دمت مبدعاً ولك ارق تحيه

[هيـاا العـازمـي]

الله الله

قصة وقصائد في غاية الروعه

تسلم يمينك على النقل وحُـسن الإنتقاء

لا عدمناك

ولا تحرمنا من الجديد

تقديري

هيــــااااا