يدينك نادن النخل المكابر .. والليالي بور.

[خلف الغريب]

كل عام وانتم جميعا بخير ..

حبيبي : ما سرى حبك معاك ولا ذبحـه النـور=غدا شمسي , وبدري, والنهـار, وليلـة قمـره
صباحك. يا صباحك يا صباح المسـك والكافـور=تنسم لك سحابة مـن سحـاب الحـب منهمـرة
تخيلتك وانا بوهـم الحقيقـة غايـبٍ بحضـور=معك ما احلا الحضور , ولمة السمار , والسمرة
عرفت بطلتك معنى التواضـع للهوى المغـرور=وعرفت بغيبتك معنـى الغيـاب بنكهـة الجمـرة
يا أول عشق في سلم حيـاة العاشـق المأسـور=يا نبضة قلب جاهِل ما درى عنهـا ولـي أمـره
يا عنق الريم . يا عين المهاة . ويا شبيه الحور=يا قلبٍ جال بضلوعي.. يانورِه , يا بعـد عمـره
غدا صدره بعد جرب غلاك ولا كفاه صـدور=مضيفه بينها , ومـن الحنـان الغامـر تغمـره
وانا الغصن اليباس اللي فرح في مقدم العصفـور=سرت به خضرة افراح الحياة وفـارق الحمـرة
عسى الله يلبسك ثوب الحياة الضافي المـزرور=وعسى عمرك طويل وبالسعادة والهنـا تعمـره
الا ليتك تحـس ولـو ثوانـي لوعـة المقهـور=تحس بروح صب من الفـراق اطـلال مندمـرة
ترا ما عاد فـي دنيـا المهـازل للبطولـة دور=على كثر المشاهد شف بطلهـا مضيـع النمـرة
يدينـك نـادن النخـل المكابـر والليالـي بـور=وتدلى عذق حبي في يدينـك يـا بخـت تمـره
تدلل, آمر, احكم, خذ, تواضع, حب, واصل, زور=تأمر, والفـؤاد مـن الغـلا لـك مذعـنٍ أمـره
وانا لو كنت مالك من هوايه فيك ربـع الشـور=لاصد ولا علي من الهـوى بيضـه ولا سمـره
ولكن لك محبة دونهـا الشريـان بانـي سـور=حصانة عن مراسيـل العـذول وباقـي الزمـرة
ترا .. ما عاد نروى من عطشنا وكاسنا مكسور=امانة معك : لا تكسر هوانـا وينسكـب خمـره

[شاعر البيتين]

الله الله عليك

أنت مو شاعر وبس أنت مملكة شعريه فاتنه

بل قامه شاهقه وشاعر بدرجة بريفسور يعجز قلمي عن وصف هذه الفاتنه

شكرا لك أستاذي خلف وسأظل طالب من طلاب مدرستك الممتعه والراقيه

كان لي شرف أول حضور لهذه المعزوفه على أنغامكـ

.
.
.
.
.
تحياتي ..

[سلامة الجعفري]

ابيات غارقة في الرومانسية والابداع

هكذا والا فلا

صح لسانك يابو خالد ملايين

تقبل مروري على هذه الفاتنة

تغيب طويلا وتأتي بالمبدع

تحيتي وتقديري

[محمد خلف الزايدي]

أخي وحبيبي خلف الغريب,,

صــــــــــــح لـســـــانكــــــــــــــــ ودام ابداعـكـــــــــــــــــ
ويسلم رأسكـــ ولاينكسر كأس العسل ولاينسكب الرحيق,

^

^
(وشهد شاهداً من أهلها)

^

واخوف قلبي صايداته هاك الطرق = من روحته هذيك ماهو براحه
ان صاب ضني خافقه منسرق سرق= لو انشده ماقال هرج السراحه
ترى المحبه رمحها ضربته زرق = مايمدي المطعون يشهر اسلاحه
وكنه تمكن بالضماير غدا حرق = مايعالج المنصاب قســـم الجراحه

^

^

منهو الليقول بكل براءه

لو كان شفت البيض والسود والبرق = ماضيقن بالقلب ربع المساحه
لامساهرا ليلي ولا مجاوب الورق = والياس مما في يد الناس راحه

اللهم اني صايم ماعارفك زين إلآ شايبك

تحياتي وتقديري

[محمد عبدالرحمن]

ترا ما عاد فـي دنيـا المهـازل للبطولـة دور

على كثر المشاهد شف بطلهـا مضيـع النمـرة

الله الله عليك يادكتور خلف فعلن مدرسه شعريه وتشكر على هذه الرائعه وياليت الكثير من في هذا المنتدى يتعلمون منك شكرا شكرا

[سالم صالح]

الله كبر عليك يابو خالد ومروري هذا للاستمتاع وليس للرد


حتى يتسنى لي الاستمتاع اكثر واكثر بهذه الفاتنة قبل ان ارد الذي سيكون صعب لان القصيدة جوهرة من جواهر


خلف الغريب وهي تستحق رد غير غير غير

[هيـاا العـازمـي]

.
.

الله الله الله ياخوي خلف

وانت بخير وفي صحة ورفعة

ماشاء الله .. تبارك الله حضورك رااائع وممتع

وكعادتك : سياسي في العشق

إسلوب جذاب وأبيات إستقرت في الخفوق في كل صدق وواقعية

ما أدهشني فيها الا تلك العذووبة والرقة المطبوعة في حرفك

راقي جدا

يصح لسانك وبووحك وفكرك ..

ويسلم لنا نبضك دوووم للمزيد من الاتحاف

تقديري

هيــــااااا