لاني سعودي وافتخر لاتسميت (قصيده وطنيه) - °~*¤®§(§ شبـــكة ويــلان العـربـيـه §)§®¤*~ˆ°

**نافع عيد الجديد** · 05/09/09, (04:35 AM)

مهما قلنا عن وطنا وحكامنا لن نوفيهم حقهم (اهديكم هذه المتواضعه عسى ان تنال اعجابكم)

دايم وراسي عاليا ما تمنيت=مثل الجبال الشامخه باعتداله
دستوري القران للحق تثبيت=شمس النهار اللي يزيل الضلاله
ولأني سعودي وافتخر لا تسميت=اصيل وافخر في بلاد الاصاله
في ظل سيف المملكه خادم البيت=بدر الدياجي نور درب العداله
نسل الملوك اللي لهم ذايع الصيت=حكم الجزيره ما حكموه بجماله
يشهد لهم تاريخهم لا تقصيت=مع حكمهم ماتت عصور الجهاله
افخر بهالدنيا ان رحت وان جيت =في حكم ابو متعب عريب السلاله
نسل اللذي يوم اوردوهن على هيت=عبدالعزيز اللي حكمها لحاله
يحق لي لاني لها الحكم واليت=حكم اللذي شعبه يعده اعياله
خيره كثير ويشمل الحي والميت=تنفق يمينه ما درت به شماله
ماله حلي في مدته لو تحليت=من فيض كفه صيغ معنى الجزاله
امن وامان وعلم للجهل تشتيت=وفر جميع اللي نبي ما انعنى له
واصبح وطنا جنة به تباهيت=وحضارةٍ ما تنوصف باكتماله
مهما اعدد من عطاياه مااوفيت=غيث السحابه يوم يصدق خياله
ثابت ولايبغي شهاده وتثبيت=كل البشر تشهد لياجا مجاله
وسلطان سلطان السعد لا تعزويت=يافرحة المضيوم كانه عناله
ريف اليتيم اللي فقد راعي البيت=ينسيه همه ساعة انه عناله
والنايب الثاني بفعله ليابديت=صان الامن في حنكته واحتماله
شوف الامن ساطع كما شمعة الليت=على جميع المملكه من خلاله
واخصالهم ماتنحصي كان عديت=طيبه كرم هيبه عداله بساله
وان كان لنار الحرب في يوم شبيت=حنا دروع المملكه وانعباله
رجالنا ماقال عنها تخليت=يفعل لياركب الرشاء بالمحاله

**masha3el ** · 05/09/09, (06:03 AM)

الشاعر الجزل
نافع عيد الجديد

صح لسانك على هالشامخه

نص فخم ومعاني جزله
واقولك ارفع راسك انت سعودي
الله يحفظ بلدنا بعز وامن وخير
اتمنى لك التوفيق
ودمت بخير وعافيه
تحياتي واعجابي
ننتظر الجديد

**الصقار** · 06/09/09, (02:16 AM)

حياك الله ياابو عيد
وافي ومبدع ياانافع

ادام الله علينا نعمه الامن والرخاء تحت ضل حكومتنا
وحفظهم الله من كل مكروه

صح لسانك
وتقبل مروري وفائق تقديري

**هندي المقبل** · 06/09/09, (02:30 AM)

شاعرنا المبدع : نافع الجديد

ونحن نفخر بأننا نتذوق هذا الابداع الشعري في شبكة ويلان العربيه

قصيده امتلاءت بالجمال والابداع والحس الوطني المميز وارتقت بتواضع صاحبها بأخلاقه وشاعريته الفذه فأصبحت شامخه شعريه

اخي نافع كل عام وانت بخير وصح لسانك

تقبل اعجابي

**سالم صالح** · 06/09/09, (03:05 AM)

شاعرنا الرائع والمبدع

نافع الجديد

صح السانك يابو عيد وياهلالالالالالابك طليت وهليت من غيمك اجمل المعاني والالفاظ جزالة وقوة معنى

لله درك لاتاتي الا بالجزل والمملكة وحكامها يستحقون كل هذا الثناء ادام الله عزهم ومنحنى الامن والامان في ظل حكامنا الاوفياء

تقبل تقديري وودي

**نافع عيد الجديد** · 06/09/09, (05:30 AM)

اقتباس:

المشاركة الأصلية كتبت بواسطة **masha3el **

الشاعر الجزل
نافع عيد الجديد

صح لسانك على هالشامخه

نص فخم ومعاني جزله
واقولك ارفع راسك انت سعودي
الله يحفظ بلدنا بعز وامن وخير
اتمنى لك التوفيق
ودمت بخير وعافيه
تحياتي واعجابي
ننتظر الجديد

الف شكر لكي اختي مشاعل
على المرور العطر والجميل
رعاك الله

**علي السابل** · 06/09/09, (03:41 PM)

شاعرنا القدير ابو عيد

يستحق الوطن هذه الروح الفياضه بالوفاء من خلال هذا النص الشامخ

وهذا الوطن لا يستحقه الا من يحمله في عواطفه كم حمله هو على ترابه

شكرا للوطن .. ولقادة الوطن وللمخلصين من أبنائه ..

كل الشكر والتقدير