زفره من أقصى عرق

[عبدالعزيز العدواني]

يا عذاب وحسرت الملهوف ما تقبل ردي = من غثاها ما تبات الا على صدر الكريم
ياعذاب وهقوة الاجواد في صدر اجودي = زفرة الطيب من اقصى عرق يدراها الفهيم
ارتخت يمنى العزايم دون صبري و جهدي = وانتحت يسرى المواقف عن خفوق(ن) له شهيم
اتلفت للشفق واقول يشرقه سعدي = ما دريت الا وانا في ليل دستوره ظليم
جمرة(ن) يصلى لهبها واتمسكها بيدي = لين داويت المآسي في رجا برق(ن) وغيم
مير اشوف الحظ جاوبني على جرح(ن) ندي = تسبق الحاجه على المحتاج بعيون الحليم
يرقبون سهيل وعيوني تحرى للجدي = في طرفهن عز واصرار ودواخلهن يتيم
فوق صرخات الكسير ودون نظرات الهدي = تشره القاله ويشبع من خطاها المستهيم
الضلوع ان فز قلبي قامت بساع تحدي = ولو يضيق استنفرت والقلب صار اكبر خصيم
ماحسبت ان النهايه فرض من قبل ابتدي = لين طيحني زمان الشح بيدين اللئيم
أتحاشى طيحتي واشوف فخي واعدي = واتلوع واعتبرها درس والخافي غريم
ماعذر حر السموم القيض طشات بردي = ولا شرب من دلة المضيوم رجال(ن) عديم
ولا غشى شمس الضحى ديجور ليل(ن) سرمدي = ولا شكى من لوعة الايام من وضعه سليم
قلتها مع حسرة الملهوف واقفاية ردي = من تنهات الصدور اليا مقامات الكريم

[معيض بن عريفج]

صح لسانك ياعبد العزيز وبيض الله وجهك قصيده هادفه جزله من رجل جزل وشاعريته جزله

لاتحرمنا من جديدك لاهنت تقبل مروري ولك كل الشكر

[هندي المقبل]

الشاعر الكبير : عبدالعزيز العدواني

صح لسان على هذه القصيده التي تحمل كل معاني الجزاله والابداع

كعادتك لاتاتي الا بالمميز دائما

تقل مروري واعجابي الشديد فيما تكتب

[عاشق المعالي]

ابداع شعري واختيار كلمات رنانه

صح لسانك ياعبدالعزيز

[خلف الغريب]

الشاعر عبدالعزيز العدواني ..

الف صح لسانك ولا هان بوحك الجميل على هذه الابيات الطيبة .

مير اشوف الحظ جاوبني على جـرح(ن) نـدي

تسبق الحاجه علـى المحتـاج بعيـون الحليـم

يرقبـون سهيـل وعيونـي تحـرى للـجـدي

في طرفهن عـز واصـرار ودواخلهـن يتيـم

فوق صرخات الكسيـر ودون نظـرات الهـدي

تشره القاله ويشبـع مـن خطاهـا المستهيـم

ابدعت يا عبدالعزيز فلله درك ..

ودي وتقديري..

[عوض بن خميس]

الاخ عبد العزيز العدوانى
صح لسان ولا عدمناك
نص فى غاية الجمال والابداع
تحياتى ومودتى

[هيـاا العـازمـي]

الله عليك ياخوي عبدالعزيز العدواني

قصيدة مؤثرة فعلا
وبووح واعي .. ومشاعر مبهرة

يصح لسانك وفكرك وكلك

ولايهيينك على هالباذخة

في انتظار القادم .. فلا تبخل

اعجابي وتقديري لهكذا شاعرية جليلة

هيــــاااااا