مــــــــلح الــــــــوداع

[أحمد العواد]

بسم الله الرحمن الرحيم

اخواني واخواتي الاعزاء

العذروالسمحه على انقطاعي وتقصري معكم

اسف من كل قلبي لك واحد منكم ولكن ظروفي اجبرتني على الانقطاع

ولكم مني كل الشكر والتقدير

ومبروك عليكم رمضان الجميع وتقبل الله منكم صايمكم وقيامكم وكتب لكم اجره انه سميع الدعاء

تقبلوا شكري وتقديري



مصافحتي لكم بهذة القصيدة


اتمنى انها تكون لي شفيع على تقصري معكم

ابيك تصب ليه من مهيل هرجك الجذاب = ابا يفك العماس اللي بعدك مصدعن راسي

وابي تروي عروق(ن) يابسه من يوم نورك غاب = مادام بجيتك على همومي دقت اجراسي

تحملت الصعايب لجل عينك واحتفيت اعجاب =بأحلى عين واطيب قلب عانق نشوة احساسي

ما دام اني بيدك كتاب خلك لي حروف كتاب =ومادام اني شربتك حب خلك صدر لأنفاسي

خريفي طيح اوراقي وانا واقف على المرقاب= وانا اتحرى قدومك بين تفكيري وهوجاسي

تسيل شعاب والا يا عساها ما تسيل شعاب =مادام اقلامي اللي سيلت صفحات كراسي

ومدام انك ملكتي خافقي بزعل سباع الغاب= ومادام انك رسمتي فرحتي ما عاش وسواسي

تعالي واشعلي جمر الغرام بقلبي المنصاب= تعالي وانثري ملح الوداع بعين حراسي

حضنتك بين قلبي والعيون وطرت فيك اسراب=على حد الخيال اللي تعب لرضاه عساسي

وتحدربك على نبض الخفوق وقابلك ترحاب= وفرش لك بين طيات الضلوع وجيت له قاسي

تقبلو تحية/ اخوكم احمد عواد العرفج العنزي

[هندي المقبل]

احمد العواد

صح لسانك وان شاء الله ماتغيب الا عن شر

ويكفينا حضورك ومشاهدة اسمك عبر صفحات ويلان نتمنى ان لايتكرر الغياب وبإنتظار القادم الاجمل

تحيه لك

[خلف الغريب]

اما انا زعلان ولاني كاتب رد الا بكرة

[سالم صالح]

وانا بعد متضامن مع ابو خالد بالزعل بس عاد من جمال هذه الفاتنة فاني مجبر على الرد



ومااقول الا راااااااااااااااااااااائع حد الثمالة ومبدع الى مالا نهاية



احمد العواد


شاعر من طراز عالي ونوع اصيل صح السانك حتى ترضى



كل التقدير والاحترام وترى التضامن مستمر مع خلف الغريب الين ماتجيب جديدك القادم لنرضى

[معيض بن عريفج]

الاخ احــمــــــد الـعـــواد

صح لسانك وان شاء الله ماتغيب الا عن شر

ويكفينا حضورك ومشاهدة اسمك عبر صفحات ويلان نتمنى ان لايتكرر الغياب وبإنتظار القادم الاجمل

تحيه لك

[خلف الغريب]

العزيز وابن العم احمد العواد الفقير ..

الحمد لله على السلامة وحياك الله يا ابا ياسر ...

لولا جمال هذه الفاتنة لانهال عليك سيل من عتاب الاخوة على طول غيابك لكن مع شهر الخير فالتسامح افضل ..

الف صح لسانك ولا هان بوحك الجميل كعادته ..

ابيك تصب ليه من مهيل هرجك الجذاب

ابا يفك العماس اللي بعدك مصدعن راسي

وابي تروي عروق(ن) يابسه من يوم نورك غاب

مادام بجيتك على همومي دقت اجراسي

الله على هذا المطلع الجميل ..مهيل هرجك الجذاب ..وابا افك العماس اللي بعدك مصدعٍ راسي .. تستاهل يا ابو ياسر ..

احمد العواد ..

شاعرية مميزة والفاظ منتقاة لا يتقنها الا العباقرة فلله درك..


تحياتي وودي وانا هنا اطلب من الاخ رابح والاخ سعد مشرفي الشعر اخذ تعهد على الشاعر بعدم تكرار الغياب ...

[بنت الكحيلا]

صح لسانك اخوي احمد العواد

والحمدلله على السلامة

والله يعطيك العافية على هالقصيدة الرائعة

لك تحياتي وتقديري