سلام للشملي من أدناه لاقصاه(( للشاعر خلف المشعان )..

[عبدالعزيز السعود]

سلام للشملي من أدناه لقصاه =ومن أكبر الشياب لصغر شبابه

قالواخلف فر المناطق ولا جاه= وأصغر هل الشملي وصلني عتابه

قلت أه لوتدرون عن حرقت الأه=وش الرجل من غير عزوه ولابه

مبطي وانا عيني تفيض بحلولاه =ياشوفت الشملي وقولت هلابه

من زود ماغليته بعد شعري اغلاه = كل ماهذى جن القصايد هذابه

هذا أنا جيته وجيت أطلب أرضاه =بالقاف والمعنى وفن الخطابه

من لامني في مدح ربعي أبهجاه =لا واعذابه صدق لا واعذابه

ومن يفتدي ربعي عزالله أفداه = روحي فدى له قبل روح الكتابه

هذا الصحيح وزبدة الهرج مغزاه = لولا مهابتكم فلالي مهابه

بيت كتبته وأفتخر كل ماقراه =ويزيدني عز وشموخ وصلابه

من عزوته عناز ماهو وعزاه = لا بالله الا عز من يعتزابه

[نافع عيد الجديد]

صح السانك والسان الشاعر الكبير خلف مشعان
ويستاهلون اهل الشملي
والف شكر لك على الاختيار الجميل

[هزاع الساري]

صح لسانك

وصح لسان المبدع

خلف المشعان


ويستاهلون اهل الشملي

[جبار بن عابر]

من عزوته عناز ماهو وعزاه
لا بالله الا عز من يعتزابه

كفـــــــــــو والله وصح لسان الشاعر خلف
واشكر لك جميل الانتقاء اخ عبدالعزيز

[عوض بن خميس]

اخى واستاذى القدير عبد العزيز السعود
الله يعطيك العافية على هذا النقل الموفق
وعلى هذة الذائقة المتفردة فى الابداع دائما
سلمت وسلم شاعرها خلف المشعان
تحياتى ومودتى.....................

[سعود المسعودي]

لاهنت على الاختيار الجميل

وصح السان شاعرها

لك الاحترام والتقدير