لـــــــ مدغم ابو شيبه

[صالح السالم]

ياصاحبي لاتباطيتك وقلبي حزين=رحت أنشد الدالهين اللي ( عليهم تمر ) !!
يامعشر اللي على ضو القمر ساهرين=مامرّكم عود موزٍ في علوّه ثمر ؟!
الحب مثل ( العباده ) .. و ( أنفس المؤمنين )=أشرّها مانفر .. وآخيرها ما أستمر
ياليت روحي على روحك تذوب وتلين=وأنا اتكوّن سحابه وأنهمر .. وأنهمر !!
نظراتك يعلمنّي ضحكة العاشقين=والا يكتّنّ في راحة كفوفي جمر
بقى من اللي خذيته قلب بين أصبعين=وأن قلت : هاته .. ( من عيوني وتامر امر )
وأن قلت لي : موقعي من عالم الحسن وين ؟=بعد الثلاثين كان الله عطاني عمر ؟!
اقول : مزيون وأشباهك ماهيب أربعين=أشباهك أثنين يا أمّا ( شمس ) والا ( قمر ) !!
يكفي أنّك أوّل ظبْي ياخذ من الصقر عين=ومن الذلول العمانيّه هيام وضمر
( معنّقك ) شبر فوق متونك وقفلتين=و ( يديك ) منجم ذهب .. و ( شفاك ) حانة خمر .!!
مدري وش اللي خذا الله منْك وأعطاك زين=ما لا عطا فارعات الطول بيض وسمر !!
ماشفت ( هالوردتين ) وشفت ( هالجمرتين )=لهن ثلاثين عام ولايزالنّ حمر ..!!

[عبدالعزيز السعود]

صالح السآلم ::

قصيدة رائعة للشاعر / مدغم بن شيبة

شكراً لـ روعة انتقائك ..


تحيتي

[فاطمه الجعفري]

بصراحه تعجبني قصائده كثير

نقل مميز تسلم ويسلم راسك اخوي

[أبو غرام]

مدغم ابو شيبه شاعر لاغبار عليه

واختيارك اخي انما ينم عن ذائقه رائعه

صح لسانه ولسانك ... دمت بود

[الجادل]

رآئعة من روائع أبو شيبة

سلمت على هذا الإنتقاء

تحيتي