**(((((** الحااااافز **)))))**

[ماجد الغانم]

الأخوة في هذا الصرح العريق

اليكم هذة المتواضعه

واتمنى أن ترضي ذائقتكم الرااقية...وتجد لها مكان وسط قلوبكم الطاهرة

.....................
.

الحافز اللي دفعني أنثر احساسي=ام العيون الكحيله يوم لاقتني
اللي غلاها كبير وصعب ينقاسي=سكنتها وسط جوفي يومها جتني
غيمه ومرت عروق/ن ذبل يباسي=واروت عروقي زلال المي وروتني
وحلفت إني لمد اليدها كاسي=واسقيها عذب المشاعر مثل ماسقتني
هي نبض قلبي وحبٍ دايمٍ راسي=الله اكبر عليها كيف هزتني.؟
جتني بدلة غرام/ن تجلي اعماسي=وساقت فناجيلها يمي وقهوتني
واخذت كيف الغرام وهب نسناسي=واستبشرت خير روحي يوم حيتني
وابهارها اللي وصلني عطر الباسي=وجيت اتغنى بريحة عطرشدتني
واعزف شعوري على عودي ومرواسي=وشلون ماعزف وهي بالعذب سمتني
وقامت تمول وتدرك نغمة اجراسي=وعن كل مادار في راسي اجابتني
في جلستي جنبها كم زان مجلاسي=وعن كل ضيمٍ شكاه القلب واستني
بلـمـسة يديها تلاشا همي القاسي=وبنظرة العين هدت روع واوتني
يعني مصيبه إذا اني بعلن افلاسي=وهذا رصيد المشاعرمنّه أغنتني
ماني عن الحب لالاهي ولاناسي =حرام مانسى وهي بالحب غذتني
ومدامها وسط قلبي ماشتكي باسي=الخوف لامنها راحت وهدتني
يعني( بعلم الأطبا) تقطع انفاسي=ويقال عني بأن البعد موتني
جلسه وجابت لي الهوجاس في راسي=وشلون لومدت ايديها وضمتني
أكيد اني بودع واعتزل ناسي=واقول .ضمه من الاعلال داوتني
كذا شعوري تناثر وسط كراسي=وجت القصيده تفاخر ماتعدتني
من غير ماشعر نثرت الدروالماسي=لان بصراحه زهور الورد لاقتني

................
.
وسلامتكم

[محمد خلف الزايدي]

أخي ماجدالجعفري,,

صح لسانكـــــــ على هالأبيات الرائعه لو انها تؤثر على بعض الشيبان
ولكن على ماقال راع القصيده في وصف الحب والولف يعذربعض الشي

ياالزين ياقايد الغزلان = على هوى النفس عاوني
خلك كما عادل الميزان =عطني مثل ماتبي مني
الولف ماعذرب بليهان= ياضاق صدر الجمل حني

تقبل تحياتي وتقديري

[عبدالعزيز السعود]

شاعرنا المبدع : ماجد الجعفري مساءُك زاخراً بالشعر ياصديقي ..


صح لسانك قلت وأبدعت


قصيده رائعه ..


دمت ودام ابداعك..

[علي السابل]

الرائع ماجد الجعفري

الشاعر هو من يخلق بخصوبة خياله مناخ تزهر فيه روائع الشعر..

أدخلتنا جو هذا الغرام حتى كدنا نرى (((((الحافز))))) من خلال هذا النقل الحي للقاء الفكر والعاطفه ...

شكرا على ما أبدعت ..

كل الود والتقدير

[فاطمه الجعفري]

سيدي واستاذ الشعر ماجد الجعفري

اعجبتني قصيدتك وجعلتني اصفق لها من عذوبتها ، صح لسانك

اختك فاطمـــــــــــــــــــــــه

[الجادل]

الرآقي ماجد الجعفري

سلمت وسلم إحساسك العذب

ودام نبضك يفيض إبداع

تحيتي

[شموخ الوايليّه]

ماجد الجعفري


الحافز

وابداع شعري تمثل بهذه الفاخرة

صح ألسانك على روعة ماقد قرأته لك

لاعدمنا الحبكة الشعرية المتميزة

دمت كما تحب فاضلي ؛؛