يانافخن صدرك تكبر على ويش == والله وماقالت تراء اللاش لاشي

[صالح السالم]

اعجبتني القصيده وحبيت انقلها لكم وهي للشاعر\مصلح بن عياد

يالله يلى تستـر الطيـر بالريـش=يلى على فضلك تعيش المواشـي
يارب عبدن في ضميره نواهيـش=تلعب بقلبي لعب صف النواشـي
انا ليا منـي نويـت المطاريـش=يخف نومـي ويتضايـق فراشـي
كنه يدق صبـي عينـي مناقيـش=النور طافي واحسب النور واشـي
وليا طرالي راعي الكبر والطيـش=كنه خشيرن لي معي في معاشـي
يانافخن صدرك تكبر على ويـش=والله وماقالت ترا ء اللاش لاشـي
الكبر منهاج الخبـول الدراويـش=مكبريـن ظهورهـم بالخيـاشـي
يالله لاتجعل طريقي على الهيـش=هرع الكلام المستحيـل الهتاشـي
رجال في طردن وراء لقمة العيش=وفي غيرها لد النظر وانت ماشـي
والثاني اللي مركزن للحشاحيـش=تلقى مساييـره هجـاد وغباشـي
عنده مداويـر الرذيلـه مهاييـش=عودن على ضوه يحوم الفراشـي
قليل دين وعقله اصخف من الريش=وجهه صفاه وبشرته جلد حاشـي
عساه فـدوه للعيـال المداغيـش=الطيبيـن الصامليـن الهشاشـي
الصادقين الصامليـن الهشاهيـش=زبن الدخيل مصدريـن العطاشـي
الله من قلبـن ينوشـه مناويـش=توميبه اومايت غصون الهواشـي
لاوالله الا صار فى الجو تشويـش=يباع فيه الـدم الاشقـر بلاشـي
يابايع الدم الحمـر بالغلـط ليـش=اهدرت دمك بين مرشى وراشـي
مدرى ظلام وفرصـة للخفافيـش=والا سراج ونور والقـدر طاشـي
السالفه ماهى هجـاد ومغابيـش=يبغالها مجلـس رجـال ونقاشـي
اما زعلنا من زعل قائـد الجيـش=والا قدحنا النـار والعـود واشـي
مظاهرات الغرب حمر الطرابيـش=ماهى لنا ياهل السفر والتماشـي
هدم البناء عيب وغلط ياشواكيش=ماعاد نبغى من مطركم رشاشـي

[محمد الدلماني]

يانافخن صدرك تكبر على ويـش=والله وماقالت ترا ء اللاش لاشـي
الكبر منهاج الخبـول الدراويـش=مكبريـن ظهورهـم بالخيـاشـي

اختيار رائع ينم عن ذوق واخلاق صاحبه لك الشكر شاعرنا الكريم صالح السالم

[عبدالعزيز السعود]

صح لسان شاعرها ..
وسلمت يمين ناقلها..
ذائقة مميزة لشاعر مميز..

..

[تركي علي الخالدي]

اعجبتني هذه القصيده كثيرا

ووجب عليك شكرك على النقل

[ساجر الحثربي]

صح لسان الشاعر . . . . . .. . .

فأما الناقل سلمت يديه وربي يعافيه


لـــكـــ الـــــود قــبـــــل الـــــــــرد

[سعود المسعودي]

صح لسان شاعرها ..
وسلمت يمين ناقلها..