عينت ياعايد طريق العداله //

[محمد خلف الزايدي]

بسم الله الرحمن الرحيم

هذه القصيده موجهه للشاعر // عايد بن عوض بن عريفج اليمني العنزي.

لعلها تحوز على رضى الجميع وهي تحدث عن نفسها في وقتها !!!

عيّنت ياعايـد طريـق العدالـه=يابن عوض دعـواي زادت عللها
تعقـدت وأحلولهـا مستحـالـه=أبي النصيحه منك عاجل وقلهـا
ترى الصديق بحاجتـه ينشكالـه=مثل الجبـاره للكسـور تعدلهـا
ولا الـردي يالقـرم ماينعنـالـه=لو قلت تكفى تضهـده مايحملهـا
عزاه مثلي ضيّق الوقـت بالـه=صبري قضى والنفس نكتم زعلها
شفنا الغثـا بالعيـن بيِّـن قبالـه=بعض الأمور يديرها غير أهلهـا
متخالفين وكـل جيـل ومجالـه=جمعٍ رحيل وجمـع تـوه نزلهـا
كنّي غريب الـدار فـردٍ لحالـه=لو كنت وسط الناس وأعمل عملها
عهدي قديـم وفيـه شـيٍ بدالـه=نـوعٍ جديـد ومهنتـه يشتغلهـا
لاخير في وقـتٍ تقـدّر أنذالـه=ساد الحصيني والشوارب فتلهـا
دورٍ به المسطور تقصـر حبالـه=وتقدم رجالٍ كانت أسفـل سفلهـا
وين أنت يادور الوفـا والشكالـه=يوم أدبرت دنياك وأدرج عجلهـا
تبرم كما بـرم الرشـا بالمحالـه=درت العوالي لين ساوت سهلهـا
من غرته دنيـاه مالرشـد فالـه=لو هي صفتله يوم يوجـس مللها
يالله ياللـي كـل حـيٍ يسـالـه=بحسناك تلطف والذنوب تغسلهـا
الواحد المعبود فـي كـل حالـه=المعتني بـأرزاق خلقـه كفلهـا
الخلق يفنى والبقـا فـي جلالـه=سبحان رب الكون علمه شملهـا

تحياتي للجميع

[بنت راشد]

محمد خلف الزايدي
صح لسانك مليون ولا يكفون قصيدة رائعة بكل معنى الكلمة والنعم بك وبمن اسنت له القصيدة
كنّي غريب الـدار فـردٍ لحالـهلو كنت وسط الناس وأعمل عملها
عهدي قديم وفيـه شـيٍ بدالـهنـوعٍ جديـد ومهنتـه يشتغلهـا
كلها رائعة الله يعطيك الف عافية

[ماجد الغانم]

الشاعر القدير

محمد خلف الزايدي

صح لساانك ...ولاهنت

والنعم فيك وبمن اسندت اليه


...
.
لله درك على هذا الحضور المميز

تقبل جل تقديري واحتراامي

[سعد النفج]

محمد الزايدي

صح لسانك ..

قصيده تدل على شاعر متمكن .. و نحن نجد تقصيرنا امام الثناء على هذه الرائعه ..

دمت بخير ..

[محمد خلف الزايدي]

ختي بنت راشدالفاضله,,


الله لايهينكِ الروعه في حضوركِ المميز
شاكرمروركِ العطر على متصفحي
دمتي بسرور وعافيه ,,


لك جزيل الشكر
وفائق الاحترام

[محمد خلف الزايدي]

أخي ماجد الجعفري,,


صح بدنك ماعليكم زود يكفيني حضورك بالساحه
شاكر ومقدر مرورك العطر ,,,


لك تقديري واحترامي

[محمد خلف الزايدي]

أخي سعد النفج,,

صح بدنكــــ الله لايهينك القصور ماله طريق عليك


أرق وأعذب تحيه لكــــ