من هجوس الشاعر اللي لاحضر ميقاف سدّه = مرحبا واهل المعرفه ماتغير منزلتها

[سعوط المجانين]

سعوط المجانين

من هجوس الشاعر اللي لاحضر ميقاف سدّه = مرحبا واهل المعرفه ماتغير منزلتها

ياحسافه في ديار الخير ضيعت المكده = والآوادم في جهتها والمعاني في جهتها

كاتب الجعفري

من ضمير الشاعر اللي صحبت اهل العرف وده=البقا بك في حلال عيال وايل وشبكتها
البضايع شفتها فالسوق لكن قبل مدة=وانت لاتجلب بضاعة والنشامى ماشرتها

سعوط المجانين

لو بغيت الد عيني للبشر وشلون الده = السفينه خاليه والناس ماشفت اثمرتها !!

لي مناجم فالرياض ولي بنوك بوسط جده = وانت ماتدري تجي من فوقها ولاتحتها

كاتب الجعفري

ياوسيع العرف طيع الشور هد الرمي هده= البنوك العالميه واضحه فمعاملتها
انت لابيحت سدك صاحبك ماباح سده=والجبال الراسيه هوج الهوى ماحركتها

سعوط المجانين

مابقى لك ياعميل الخير هرج ٍ لي تعده = اشهد ان بنوككم لليوم ماشفت ابركتها

لوقدرت تصد هوج الريح ماجد ماتصده = الهوامير الكبيره منت واصل مرحلتها

كاتب الجعفري

صاحبي ماجد يقول انه من اصحاب الاشده= بارك الله في رجال علمتك بمدرستها
استرح يالولدعي وارتاح من فوق المخده= انت لامنك عرفت الناس تعرف مقدرتها

سعوط المجانين

قصر بابل لونويت انك تهده ماتهده = ليت بعض الناس ماتكثر علينا فلسفتها

نعرف اللي مهنته ورث ٍ لبوه وورث جده = مالقيت آحق من فوج النحل في مملكتها

كاتب الجعفري

انت ندك تعرفه والجعفري ماانته بنده= والرجال اللي تهندب مالنا في هندبتها
الكلام اللي تقوله عند غيري لاترده= اثري العالم تصدق كذبة ٍ هي ولفتها

[كاتب الجعفري]

الله الله


الرد فالطريق

[صالح السالم]

كاتب الجعفري
وسعوط الجانين


صحت السنتكم ... وحده علي ياكاتب تراني واقف له بالطريق

متابع

[كاتب الجعفري]

صاحبي ماجد يقول انه من اصحاب الاشده

تم تعديل البيت

[معيض بن عريفج]

الشاعرين
كاتب الجعفري

سعوط المجانين

الله الله عليكم مبدعين وطاروق في غاية الروعه

واصلو لاهنتووانا بين الصفوف وصحت السنتكم

[سعوط المجانين]

صالح السالم , غريب الشمال

صحة ابدانكم وشرفتونا بحضوركم

تقديري

[كاتب الجعفري]

صالح السالم


غريب الشمال


اسعدنا مروركم الرائع