كان عقاب بن سعدون العواجي بسوريا هو وشقيقه حجاب وبعض من ربعه
وكان له مخصصات من الدوله التركيه وعند ماارسل له والده سعدون العواجي
يطلب حضوره الى نجد يوم يقول :
ياراكـب مـن عندنـا فـوق مهـذاب = مامـون قطـاع الفيافـي الـى أنويـت
عند الفضيلـة عـد يوميـن بحسـاب = أول قراهـم قـول ياضيـف حيـيـت
حـرٍ صغيـر وتومـا شـق لـه نـاب = وعقب القرا ودع رجـالٍ لهـم صيـت
وليـا ركبتـه ضربـه خـل الاجنـاب = وأنحر لنجم الجـدي وان كـان مديـت
وأسلم وسلم لي علي عقـاب وحجـاب = سلم على مضنون عينـي الـى ألفيـت
بالحال خـص عقـاب فكـاك الأنشـاب = ينجيك كان أنـك عـن الحـق عديـت
والقصيده اطول من ذلك ..
وعندما استوطن عقاب وزانت له الدنيا شاف (نوت فتاه وهي اجمل بنت في العرب)
وصار بينه وبينها قصة حب عفيف :
وقال فيها قصائد كثيرة لم يحضرني منها سوى القصائد التاليه :
يا ونتي باقصى الضماير سندهـا = لارقبت مشذوب المراقيب تـزداد
ونة عجوز مـات عنهـا ولدهـا = رملي ضعيفة مالهـا غيـره أولاد
على الذي مثنـاة قلبـي عقدهـا = حبه بمكنون الحشا يسنـد أسنـاد
وعروق قلبـي يبستهـن بيدهـا = صارن كما شن على الـدار بيـاد
أن أبعدت عينـي يجيهـا رمدهـا = ودموعها تسقي قناطيـش الاذواد
وان قربت كبـدي يجيهـا لددهـا = مرٍ هنـوع ومـرٍ ماتقبـل الـزاد
اللي كما الفنجـال غـزة نهدهـا = والثوب عن روس الثمر غادٍ ابجاد
ذكرت ربي يـوم قضـت جعدهـا = خلاقهـا رب لـه النـاس سجـاد
ريميـة مـا ترتـع الا وحـدهـا = تقطف زماليق الخزامى بالاجـراد
وقال فيها ايضا:
واكبدي اللي كن به حمـو لالـي = بالقيظ والاحامـي الجمـر نالـه
تفـوح فـوح مبهـرات الدلالـي = جزلٍ حطبهـا ركـده ثـم شالـه
والعين جابـت دمعهـا بانتلالـي = يشدي هماليل المطر مـن خيالـه
من واحدٍ يتعب على شـده بالـي = لو ما عنت رجلي فقلبـي عنالـه
عينـه تشـادي قلتـه بالظلالـي = في حد لـوحٍ مـا تنولـه حبالـه
وقذيلتـه يلعـب بهـا الهملالـي = بدف الظليم ويتعب اللـي حبالـه
اللي بميدان المـودة مشـى لـي = يرخص كلامـه ويتغالـى حلالـه
أنا أشهد إنه بالهوى سـم حالـي = ويَّبس عروق الجسم واذوى خياله
عندي غلاه مرخصٍ كـل غالـي = طفـلٍ معذبنـي بزايـد دلالــه
وقال فيها ايضا :
من دون خلي حال عرنان وكباد = وحلوان مرفوع الحجى حال دونه
شدوا وخلوني علـى الـدار ركـاد = وقفت مع الجرعا تبـارى ظعونـه
والدمع من عيني على خدي أبـداد = مثل الغشين اليا أنتثر مـزونـه
فرقى لطيف الروح ياحجاب لاعـاد = عقبه ضميـري يابسـات شنونـه
ياحجاب كان أنك عن الحال نشـاد = خلـي بقلبـي جايـرات طعـونـه
اللي ذبحني بالهوى يابن الاجـواد = طفـلٍ قرونـه ماغطاهـن زبونـه
طفلٍ لشـراد المهـا صـار قـواد = يحير عقلي فـي تواصيـف لونـه
حبه بمكنون الحشى يسنـد أسنـاد = وأن خانني ياحجاب ربـي يخونـه
وله ايضا:
يانـــوت عنا ظعونكم ليه شالت = ياحيف تم فراقنا ياحبيبي
زملك مع الحزم المشرف تكالت = وقفت أرعيهن وقلبي غضيبي
وديارنا من عقب فرقاك سالت = من دمع عيني قام يدرج شعيبي
وان كان فرقاكم على القلب طالت = نجيك فوق مننثرات السبيبي
ناصلك لو من دونك القوم حالت = من فوق قب يرهجن الحريبي
اوان دونك قرح الخيل جالت = لازم يجيك حظنا من نصيبي
ولكن كانت نوت متزوجه من ابن عمها وعندما شاف ابن عمها ان عقاب يحبها طلقها له
تقديراً واحتراماً لعقاب وتزوجها عقاب ومن ثم قام عقاب وجوزاخته لزوج نوت السابق
رد جزاء لفعل الطيب
ــــــــــــــــــــــــــــــــــــــــــــــــــ ـــــــــــــــــــــــــ
ــــــــــــــــــــــــــــــــــــــــــــــــــ ـــــ
ـــــــــــــــــــــــــــــــــــــــــ
كان نومان الحسيني يسولف مع بنت جميله عندما اخرته
عن طيره وضاع راحت تسئله هل تعرف شي من قصائد عقاب العواجي بمحبوبته (نوت)
وقال هذه القصيده :
الطيـر منـي ياقنيبـر غـدا فـوت = طرد الحباري خـم تالـي المظاهيـر
دليت أنط النايفه وأزعـج الصـوت = الياما أبعدوا عنا العرب وأنتحى الطير
ألهتني اللي كن عينـه سنـا مـوت = نجـل عيونـه والثنـايـا مغاتـيـر
تقول وش قال العواجي علـى نـوت = شبه الطيوح اللـي تحـط المقاهيـر
30/06/09, (11:31 PM)
ريميـة مـا ترتـع الا وحـدهـا / تقطف زماليق الخزامى بالاجـراد
العرض العادي
