رد من العنزي على الحارثي الذي تطرق الي سب الشاعر ياسر التوجري وكافه قبيله
عنزه وكذالك خوال الشاعر ياسر وقبيله مطير الذي عناهم الحارثي بقوله
في سوريا تلعب طرب بنت خالك..... وتنقف رجال ماتطول نسبها
وقد رديت عليه بالابيات المتواضعه راجيا العذر من قبيله الحارث حيث الشخص لايمثل
الانفسه
يالحارثي كيف انت وشلون حالك=لعل روحك ما تشاوي عطبها
يالهيس وش اللي دهاك وجرالك=تسب لك ناس عريب نسبها
انته وجميع اللذي من امثالك=تفنون ما جيتو في ادنى ارتبها
حنا ملوك الارض محنا ممالك=قبيله الكل يدري غضبها
وعز لمن ضاقت عليه المسالك=ويلقى المعزه من نصاها وقربها
تاريخنا مبطي وحاضر كذالك=تدري بهذا اعجامها مع عربها
وتدري بنا يالنذل وابو وجه حالك=وايل راع الذمه ما يطعن نسبها
مار انت حضك تجلبه للمهالك=ونفسك تدور باالهلاسه نشبها
هذا كلام لك يخصك لحالك=والا القبيله عنك يكرم جنبها
ربعك غنيه عنك وعن اشكالك=قبيله الحرث عزيز حسبها
واهل الجنوب ارجال ماهم بجالك=قبايل من الطيب نالت طلبها
ولاانت لهم شيخ ولاهم بحالك=وحقوقهم بلياك محدا سلبها
ياشبه عير هج من جور مالك=وزبن فلاه وقام يرعى خصبها
وبعد شبع وارتاح عجز يتمالك=نهق وجته الناس وشدت اقربها
بنيت راسك وانت ممهون حالك=وجتك الاسود اللى حداد انيابها
وغديت كانك كوره عزتالك=من مرته في كعب رجله ضربها
مفاخرك وش هي وش افعالك=مالك فعول طيبه تفخر ابها
تقضي نهارك نوم وتسهر ليالك=صايع وضايع والكرامه جلبها
ماغير بالشحذه تمشي حوالك=ركبت رنج اتضن محدا ركبها
تراك مشريتها بحر مالك=ولا جتك هديه ولا فزت ابها
متسولا ضيعفت نفسك وحالك=والناس شافت حالك ورافت ابها
وعطوك لله ماهو حب بقبالك=الناس لاجل الاجر ترخص ذهبها
ومادامت الشحذه مصادر اموالك=فانت صلبي مافيك شكا وشبها
لعل مافال العرب مثل فالك=شبيت نار وصار راسك حطبها
ولو استشرت ادنى رجل من رجالك=الغافل العارف يبي يقول سبها
ولو فيه عاقل قبل تنشر درالك=قال المسبه ياسفيه اجتنبها
ومدام نفذت اللذي في خيالك=اصبر على نار العنوز ولهبها
وياسر رفيع المستوى منحنا لك=نجم يلالي والمراجل كسبها
ولاحتار فيك ولا تهمه اقوالك=الشمس حساد البشر ماتحجبها
معرب ساسه ومهو مش حالك=من روس جباره ماهو من صلبها
من ولد علي اللي تخوض المهالك=من وهب من مسلم وايل نسبها
وخواله اللي خصمهم دوم هالك=مطير مايرقد خصيمهم حربها
وبناتهم ظلمتهن في اقوالك=هدمت حظك مايغنن طربها
محصنات عن كلام طرالك=بنت الاصل والفصل ماقل ادبها
وظلمتنا يالله عسى الشر فالك=حضك حملها وشيلها واصطحبها
وياياسر الشغموم ميل عقالك=واشهر وحلق فوق عالي سحبها
ولاتكترث في هرج عفن يعالك=اللي يقول وكلمته ماحسبها
ادعس على خشم الردي في نعالك=وبنا احتزم ضد الاعداء ولا تحسبها
طيب اصلك وفصلك وطيب خصالك=سلك لك امورك وذلل صعبها
ونزلت منزال رفيع زهالك=بين اوجهاءالناس واكبر ارتبها
ماتخاوي الاشيخ وما فوق ذالك=وكسبت حب الغانمين وعجبها
ما عاد به شيئا ثمين غدالك=اجلس على القمه وفاره كنبها
وخل الحسود يموت جعله فدالك=لو ماتت الحساد ماانت سببها
مع تحيات الوايلي
23/06/09, (09:53 AM)
ردالعنزي على الحارثي
العرض العادي
