جرح الزمن .... مدري حنيني لذكراك

[الجضيعي]

بسم الله الرحمن الرحيم

جرح الزمن مدري حنيني لذكراك=دمعة شفوق لذكريات البدايه
والله مدري بس يا جعلي أفداك=أن الغلا غلطة عمر في النهايه
سلمتك الخافق وهو يطلب أرضاك=وأنا ادري اني غارقاً في عمايه
لا جا اتجاه الريح عكسً لممشاك=لو جيت ابي امشي ما أسعفتني أخطايه
وان جيت ابي الجا من طعونك الى احماك=تجدد جروحي بقل العنايه
بس الوكاد اني رهينة شفاياك=وسير عكش ما تعرف الدرايه
وان شفت جيداً ناتقاً قلت عزاك=يلي تدور في وصوفه حلايه
ومذهبا لسبل على نحر فتاك=يفضح قنيف البرق ستر العبايه
وثلج على جمر جمع شملهم فاك=ياذبح قلبي منك ويش السوايه
ايه اعشقك وموت بك وتمناك=بس انت لا تجرح شعوري كفايه
اما اعطني عشق ووفا مثل ما جاك=والا اعطني كلمه تذوب حشايه
انا دخيل اللي على الأرض مشاك=لا تحطني عبرة زمان وحكايه
قول أيه احبك قول لا بس ما أبغاك=كلمه من الثنتين تنهي شقايه
اما انتظر لحظات وصلك ولاماك=وإلا تدور الدايره لنهايه

خلف السالم

.

[شاعر البيتين]

صح لسانك ياخلف وبيض الله وجهكـ

مبدع كعادتك
.
.
.
.
تحياتي ..

[عبدالعزيز السعود]

صح لســــــــانك ياابو ســـــــالم على هالقصيدة الجميلة ..

وننتظر منك المزيد ..

[الرااايق]

الاخ الجضيعي

صح لسانك جميل ماقرأة هنا

بأنتظار جديدك أخوي الغالي

اعجابي ومودتي

[محمد عبدالرحمن]

انا هنا اقراء شعر بمعنى الكلمه صحححح لسانك دائما مبدددددددع

[عناد الغريب]

الشاعر خلف

صح لسانك ولاهنت

نص رائع اخي لاعدمتك

دمت بخير

تقديري واحترامي

[علي السابل]

صح لسانك

قصيده تستحق الإشاده

تقبل احترامي وتقديري