مدي يمين الوصل

[نشمي الماضي]

جودي علي بالوصل لاتقطعيني=شوفي خفوقي ذايب ٍ من تغليك
ياساكنه مابين رمشي وعيني=و بميزان قلبي راجحه في معانيك
مدي يمين الوصل /هذي يميني=امدها من قلب صادق ومغليك
حسي بلهفة خافقي وارحميني=حسي بروح اللي شكى منك واليك
أشكي وانا نوم العرب مايجيني=واصبح على هم ٍ به العين تبكيك
ولعت لك شمعة أمل في يديني=وخليتها تحرق خفوقي وانا أرجيك
الصبر مثل النار بيني وبيني=اشيلها بسكات واتبع خطاويك
ماغير لك أشكي وابيّح كنيني= و ماغيرك انتي قلب نشمي يناديك
طيف السهر في صورتك مبتليني=يزورني في كل ليله واناجيك
واليا لمحت الطيف زود حنيني=تسري بي الذكرى على أحلا لياليك
وافيق وانا أقول وينك وويني=ما ترحمين اللي مصيره على يديك
جودي علي بالوصل والا أقطعيني=وخوذي معك باقي خيالك وطاريك

[نافع عيد الجديد]

صح السانك ملايين ولايكفون

ابداع يعانق السماء

اسجل اعجابي

لك الاحترام والتقدير

[ناصرالسويلم]

الشاعر

نشمي الماضي

قصيده رااائعه من شاعر رائع

دام تواصلك الجزل

مودتي

[أبو غرام]

صح لسانك اخي نشمي الماضي

مبدع دائما .. لاحرمنا الله جديدك وتواصلك

فائق الود والتقدير

[تركي صالح]

نشمي الماضي

سلمت ودمت

على هذا الابداع وهذا التميز

صح لسانك وسلم بنانك

وتقبل خالص التحايا

[سالم صالح]

نشمي الماضي


صح السانك ملايين قصيدة رائعة تحمل كل مواصفات الجمال واذا مامدت يده لمك ماتفهم


بيض الله وجهك على هالفاتنة وهي درة ثمينة من درر نشمي الماضي


وحقيقة استمتعت بقرائتها مرات عديدة لاني قراءة الشعر الحقيقي


لله درك والى الامام

[سعد النفج]

الشاعر الغالي / نشمي الماضي..

صح لسانك يا ابو ليان ..

نص رائع و احساس شعري مميز ..

ولا غرابة لأنها من شاعر مبدع ..

استمتعت بقراءة هذا النص ..

تقديري لك و دمت بخير ..