مـــريم و نورهـ....؟

[طلال الايداء]

الشعر رساله وانا هنا جسدت حالة هذا الرجل الطاعن بالسن ومعانته اتنمى ان اكون قد وفقت في تجسيد حالته

اليكـــــــــــم.....

حفظك الله ياعود" يسند وقفته معكاز = تحت واهج سموم القيظ كبير وذرته عوره
كنه يقول ياحظي علامك مقفي ومنحاز = وقف حظه مع الحاجه عليه ولوّعه جوره
بعد ماعانقه عجزه وصارت حاجته اعجاز = لجل خاطر بناته باع مايملك من شعوره
حرام الفقر قد حده يمد لهالبشر معتاز = يمد ايده لجل تلبس بناته مريم ونوره
بناته في مخيلته كما صوره وسط برواز = يحاول قد مايقدر يحصل حاجه ميسوره
ولامنه رجع للبيت (بكيسه)يعتبر انجاز = يّوكل مريم البسكوت ويّلبس نوره (تنوره)
رفع ايده شكر ربه على ماحصل وماحاز = وضمّهم بالصدر عله يواسيهم بمقدوره
تحاول( مريم) تمسح عرق وجهه من الإفراز= (ونوره ) تهمس بإذنه انا يابابا مسروره
قهر مايقدر يوفر سوى وقفه على معكاز = قهر يلعن ابو الحاجه تخلي النفس مقهوره
دخيل الشيب (لاتبكي ) كثير اللي خسر مافاز =يكفي من البشر كله ضحكة (مريم ونوره)

[عايدالعنزي]

الشاعر

طلال الايداء

صح لسانك

دايما وانت مبدع

ننتظر جديدك القادم

لك

تحياتي

وتـقـديري

[ابوالهيثم]

الشاعر

طلال الايداء

صح لسانك
بيض الله وجهك على تجسيد مثل هذه الحالات
ولامنه رجع للبيـت (بكيسه)يعتبـر انجـاز
يّوكل مريم البسكوت ويّلبس نوره (تنـوره)

الله لايهينك وصح لسانك مره ثانيه

[شايم السدري]

الاخ طلال الايدا0


صح لسانك جزل بما تحمله الكلمه

[سعود المسعودي]

الشاعر

طلال الايداء


صح لسانك وعلا شانك


بيض الله وجهك على تجسيد مثل هذه الحالات

[ناجي الخمشي]

الشاعر طلال الايداء


قصيده جزله من شاعر جزل ، صح لسانك وتسلم يمينك

و الله يعطيك العافيه على هذا الإبداع

تقبل مروري مودتي

[تركي صالح]

الشاعر / طلال الايداء

لله درك على هذا الابداع

قصيده رائعه من شاعراً مبدع

صغتها بأسلوبك المنفرد

وعرفت كيف تتعامل معها ومع تسلسلها الفكري

ولامنه رجع للبيـت (بكيسه)يعتبـر انجـاز
----------يّوكل مريم البسكوت ويّلبس نوره (تنـوره)

قمت الابداع وقمت الحزن

تعاملت معها بكل فن وتمكن

وعرفت كيف تعيشنا جوها الحزين

مبدع ياطلال

دمت بود

وتقبل خاالص التحايا