رويل لاشتد الزحام ( ابن جلعود ) - °~*¤®§(§ شبـــكة ويــلان العـربـيـه §)§®¤*~ˆ°

**راعي سميراء** · 17/05/09, (02:23 PM)

بسم الله الرحمن الرحيم

السلام عليكم ورحمة الله وبركاته

ويسعدني ويسرني ان اصافحكم بهذه القصيدة

والتي تشرفت بالقاءها في الحفل

الذي اقامه الشيخ : عــويد بن صبيح الرويلي

ظهر يوم الخميس 12 ــ 5 ـــ 1430 هــ

ونعم الرجل الله يعزه حلو النبا وحسن القبال وطلق الحجاج

بمناسبة حضور عدد من مشايخ القبائل

وكان في منزله شمال بلدة الفوارة التابعة لمنطقة القصيم

على بعد ( 8 ك) عن الطريق الرئيسي

منا تحيات وسلام = لابن الشيوخ الوايلي
ربعك هلا العليا سنام = اهل العقال المايلي
نعم الرجال فعل وكلام = غيث (ن) شعيبه سايلي
رويل لاشتد الزحام = تشوف فعله طايلي
يبين ضوه من العسام = ياويل منهو عايلي
وربعي هلا الريشا الهمام = للضيف تذبح حايلي
تقدير منا واحترام = وللحمل دايم شايلي
بالحق اشد من الحسام =يوضح طريقه عادلي
وكل القبايل له سلام = نعم (ن) بهم للسايلي
وصلوا على خير الانام = نتبعه بامــره قايلي

تقبلوا تحيات اخوكم ومحبكم

راعي سميراء

ابراهيم بن عبدالله بن جلعود الدهمشي

**سعود المسعودي** · 17/05/09, (05:10 PM)

صح لسانك وعلا شانك

والنعم بالمادح والممدوح

راعي سميراء بيض الله وجهك

دمت بخير وعافيه

**سالم صالح** · 17/05/09, (05:37 PM)

الاخ العزيز

راعي سميراء

صح السانك وعلا شانك دائما وانت متواجد في ما يشرف قبيلتك لله درك مواقفك كثيرة وانت اهلا لذلك

تقبل تقديري

**نافع عيد الجديد** · 17/05/09, (05:41 PM)

صح السانك ملايين

بيض الله وجهك وجمل الله حالك

كفيت وفيت ويستاهلون الروله

تقبل احترامي وتقديري

**جبار بن عابر** · 17/05/09, (09:35 PM)

الشاعر / راعي سميراء

صح لسانك وبيض الله وجك

ويستاهلون اهل العليا العلم الغانم

لاهنت طال عمرك

**أبو غرام** · 17/05/09, (09:45 PM)

اقتباس:

المشاركة الأصلية كتبت بواسطة سالم صالح

الاخ العزيز

راعي سميراء

صح السانك وعلا شانك دائما وانت متواجد في ما يشرف قبيلتك لله درك مواقفك كثيرة وانت اهلا لذلك

تقبل تقديري

لا ازيد عليه الا لاحرمنا الله تفاعلك وتواجدك ومرورك لهذا المنتدى

فائق الود والتقدير

**عناد الغريب** · 17/05/09, (10:58 PM)

اخي راعي سميراء

صح لسانك ولاهنت

الممدوح يستاهل الطيب وانت تفعله

دمت بخير وعافيه