قال من وسط الحشا دق هاجوسه - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 15/05/09, (08:37 PM)

قال من وسط الحشا دق هاجوسه=مثل ماوقت الخطر دق الاجراسي
المواجع خلف الأضلاع محسوسه=والجروح اتصج في قلب حساسي
الاماني جاتني بس معكوسه=قستها وماجت على قد مقياسي
يارفيقي نصف الأشعار محبوسه=تستلج بداخلي وأوجعت راسي
الطموح وكل الأهداف مدروسه=والنصيب ايصيب والوضع يحتاسي
ونفسي اللي من غلا الخل محموسه=مثل حمس البن في وسط محماسي
تشتكي من حالة الهم والحوسه=وزادها من وافر الهم هوجاسي
أنقطع حبل الوصل وأقطعت موسه=كل حاجه والشرايين يباسي
قلت ابا أصبر واقهر القلب وادوسه=وادري أن الخل له بالغلا ساسي
وقلبي اللي من غطا الحب ملبوسه=منحبس والغيض يضرس به اضراسي
سبت اللي داخل القلب محروسه=الفريده بالغلا مثل الألماسي
بالشرف والعز ماهي بممسوسه=ماهي اللي طبعها عدة اجناسي
يوم راحت كل الأوضاع ميؤسه=ليتها بعد الغلا قلبها قاسي
مالي ألا شد قافي ومنكوسه=وأتعايش بالامل واطرب أحساسي
والرجل لو حب ماطاح ناموسه =يرتقي بالحق مايفلس أفلاسي
قاله اللي دق بالقلب هاجوسه=مثل ماوقت الخطر دق الاجراسي

**أبو غرام** · 15/05/09, (08:45 PM)

اتشرف بان اكون اول من رد ها هنا

على هذه الباذخه الشعريه الجميله الفاتنه

لله درك اخي وصح لسانك حتى ترضى

مبدع ومتمكن

سجل اعجابي ومروري من هنا

فائق الود والتقدير

**عناد الغريب** · 16/05/09, (03:46 AM)

اخوي حمد الوايلي

صح لسانك ولاهنت

نص جميل وجزل

لله درك

دمت بخير ورقي

تحياتي

**سعود المسعودي** · 16/05/09, (07:39 AM)

اخوي حمد الوايلي

صح لسانك ولاهنت

نص جميل وجزل بارك الله فيك

سجل اعجابي وتقبل مروري

**حمد الوايلي** · 16/05/09, (08:14 PM)

اخوي ابو غرام شكرا على مرورك المميز وانا اتشرف بتواجدك الاول في صفحتي شكرا من القلب وتقبل تحياتي والله لايهينك

**حمد الوايلي** · 16/05/09, (08:17 PM)

اخوي عناد الغريب اضفت على صفحتي السرور اشكرك وتقبل وافر التحايا وفائق الاحترام

**حمد الوايلي** · 16/05/09, (08:20 PM)

صقر الصقور شكرا على مرورك تقبل تحياتي من القلب ودمت سالماً