الديرة اللـي إلى مـريت مفرقها؟؟

[عبدالله الدغيثر]

السلام عليكم ورحمة الله وبركاته

واسعد الله اوقاتكم بالخير

واقدم لكم هذه الاابيات المتواضعة تجديداً للعهد




((الديرة))

الديرة اللـي إلى مـريت مفرقها *‍=* أجر صوتي تراهـــــا ديرة الغالي
*‍=*
الغـالي الـلي خذا روحي وعلقها *‍=*‍ لاردها لي ولا خــــلاني بفالي
*‍=*
حسبي على اللي جروح العام فتّقها ‍*‍=* وخلاني أجر صوتي بالخلا الخالي
*‍=*
أسهر وعيني غزير الدمع يغرقها *‍=*‍ وأنا من العام قلبــــــــــي دالهٍ سالي
*‍=*
أدير الأفكاراغّربها و أشرقـّها ‍*‍=* واسترجع اللي مضى لي مع هوا بالي
*‍=*
واقلبي اللي هموم البعد ذايقها ‍*‍=* مابين لوعة فراق وهرج عذالي
*‍=*
إثره صحيح الهوى للروح يرهقـها *‍=* راعيه يسهر إلين المذن التالي
*‍=*
ولو صد واقفى عن دروبه وغلقها *‍=*‍ يجيه ماجا الوضيحي والله الوالي
*‍=*
وطروقه الماضيه يرجع ويطرقها *‍=*‍ والجرح الأول يجيبه جرحه التالي
*‍=*
ويالله عسى المزنه اللي لاح بارقها *‍=*‍ تمسي وتصبح على الغالين همالي

وسلامتكم

عبدالله الدغيثر

[هبوب العنزي]

الديرة اللـي إلـى مريـت مفرقهـا *‍* أجر صوتـي تراهـا ديـرة الغالـي


اخي الفاضل(عبدالله الدغيثر)

صح منطوقك مليووون ولا يكفون واسمح لي بإختلاس بعض الابيات لترديدها ,,,

دمت بكل خير,,,

[اميرة الحرف]

يالله اخوي عبدالله وربي انك ابدعت

قصيدة تصافح القلوب قبل الاعين

احسااااااااااااس ولاأروع

من احساسي النجدي احس الديرة نجديه


صح لسااانك مليوون ولايكفون

[سعد النفج]

عبدالله الدغيثر..

صح لسانك و علا شانك

شاعر مميز و هذا النص من النصوص المميزه ..

بحر رائع و قافيه مميزه و اسلوب شيّق ..

تقديري لك ..

[فهد الشافي]

شاعرنا الرائع عبدالله الدغيثر

صح لسانك على هذه القصيدة الجزلة

دمت بود

[سعود المسعودي]

عبدالله الدغيثر..

صح لسانك و علا شانك

شاعر مميز

دمت بخير

[أبو غرام]

الاخ الشاعر القادم بقوه

عبدالله الدغيثر

صح لسانك حتى ترضى على جميل ابداعك

وتميزك في طرحك

صح لسانك ولاعدمنا جديدك وتفاعلك


فائق الود والتقدير لشخصك الكريم