من حدى الملك/ عبدالعزيزابن عبدالرحمن ال سعود - °~*¤®§(§ شبـــكة ويــلان العـربـيـه §)§®¤*~ˆ°

**سليمان الجعفري** · 12/05/09, (09:18 AM)

قال جلالة الملك عبدالعزيز ابن عبد الرحمن ال سعود رحمة الله عليه هذه الاحديه بعد دخوله للرياض
في المره الاولى سنة 1318هـ ثم خروجه منها بعد هزيمة الشيخ مبارك الصباح في معركة الصريف

يادارنا لاترهبين = لابد مانرجع عليك
اعطيك أنا العلم اليقين = لوننتحي لازم نجيك

ثم قال ايضا هذه الاحديه قبل فتح الرياض

من نجد ماجنا خبر= ينقل لنا علم الحريب
لابد من يوم حمر = والشمس من عجه تغيب

ثم قال ايضا

يانجد ماجنامنك ردعلوم = واليوم أنا شفق على المسناد
قالوا مريح قلت انا المهموم = حتى نقررللنضا ميعاد
نركب على اللي نيهن مردوم = وان روحن مثل القطا الشراد

ثم قال الملك عبد العزيز اثنا معارك نجد

قولوا لابن ؟؟ نبيه = فوق النضا والمكرمات
ان كان ماجنا نجيه = ونشبع طيورً حايمات
رد النقا منا عليه = قولوه ياهل الموجفات

وقال قبل معركة روضه مهنا يحث جيشه على الاستبسال

ياعيال بروا خيلكم = وارهوا عليها بالشعير
عدوكم قدامكم = لابد من علم يصير
اما لهم وإلا لكم = عاداتنا نرو الشطير

وبعد رجوع جيش ابن سعود منتصراً قال الملك عبدالعزيز

الله ياكوناً على ؟؟؟؟؟ = كوناً كبير نثاري به
ولياركبنا على الضمر = الحرب نحمي مشاهيبه
ومن فعلنا حكمهم دمر = دمر وحنا تسابيبه

وقال الملك عبد العزيز ايضا ويقصد (القصيم)

ياغرسةً حدر النفود = والعمر يرخص دونها
من دونها سندا سنود = بالسيف نحمي ركونها
قولوا لسكان الحيود = بالهرج لايطرونها

المصدر كتاب / محمد الاحمد السديري (حدى)

**أبو غرام** · 12/05/09, (11:06 AM)

من اجمل والذ ماسمعت هذا الحدى

خاصة وانها جديدة على الاذن ولها وقع على النفس جميل

لله دك ابو عادل كم تعجب القراء بجميل طرحك

فائق الود والتقدير يابن العم

**سعود المسعودي** · 12/05/09, (01:39 PM)

سليمان الجعفري

سسلمت وسلمت يداك على النقل الموفق

والأنتقاء الأمثل

دمت بخير

**مرزوق نومان** · 12/05/09, (03:51 PM)

الاخ سليمان الجعفري

الله يعطيك العافيه نقل جميل

تحياتي لك

**سليمان الجعفري** · 12/05/09, (10:56 PM)

اقتباس:

المشاركة الأصلية كتبت بواسطة ابو غرام

من اجمل والذ ماسمعت هذا الحدى

خاصة وانها جديدة على الاذن ولها وقع على النفس جميل

لله دك ابو عادل كم تعجب القراء بجميل طرحك

فائق الود والتقدير يابن العم

الاخ العزيز/ ابو غرام

شكراً على المرور الرائع الله لايهينك يالغالي

مشاركتك اسعدتني كثيراً الله يعطيك الف عافيه

لك اجمل التحايا والاحترام

**سليمان الجعفري** · 12/05/09, (10:59 PM)

اقتباس:

المشاركة الأصلية كتبت بواسطة صقر الصقور

سليمان الجعفري

سسلمت وسلمت يداك على النقل الموفق

والأنتقاء الأمثل

دمت بخير

الاخ العزيز/ صقر الصقور

شكراً على المرور الرائع الله لايهينك يالغالي

مشاركتك اسعدتني كثيراً الله يعطيك الف عافيه

لك اجمل التحايا والاحترام

**سليمان الجعفري** · 12/05/09, (11:07 PM)

اقتباس:

المشاركة الأصلية كتبت بواسطة مرزوق نومان

الاخ سليمان الجعفري

الله يعطيك العافيه نقل جميل

تحياتي لك

الاخ العزيز/ مرزوق نومان

اهلا وسهلا فيك يالغالي على المرور العطر

مشاركتك اسعدتني كثيراً الله لايهينك

لك اجمل التحايا والاحترام