عديت للمرقاب00 - °~*¤®§(§ شبـــكة ويــلان العـربـيـه §)§®¤*~ˆ°

**حمد الخمعلي** · 11/05/09, (11:39 AM)

صباح الخير لكل من مر هنا

عديت بالمرقاب حول ضحويه=في راس مملمومٍ من النزل خالي
ارقبت والمرقاب خطرٍعليه=وخطرٍعلى اللي حالته مثل حالي
شالتني الاقدام هاذي وذيه=وعديت به ونا من الضيق سالي
ومديت دربيلي على كل نيه=ابغى التسلي والتسلي حلالي
لكنها صارت عليه قضيه=هيضني المرقاب من ضيق بالي
ذكَّر علي ايامنا الاوليه=ايام عشناها بعصرٍمضالي
يوم الرعيه جنب ذيك الرعيه=وبيت الشعر والبرق حوله يلالي
وصوت العرب كلٍ ينادي خويه=والنار مشبوبه لصفر الدلالي
سوالفٍ تطرب لها اهل الحميه=وكلٍ يخيل المزن من كل جالي
ورزيم خلفاتٍ بوقت العشيه=لثوروها لحلبها للرجالي
وصوت الربابه والهجيني سويه=من الطرب كلٍ يحذف العقالي
هذا الطرب ذي الحياه الهنيه=هذ منات العمر باول وتالي
وعوت من رجم الضحى بالخليه=والدمع من عيني على الخد سالي
لاعاد مرقابٍ ذبح نفس حيه=في راس ملمومٍ من النزل خالي

احترامي للجميع

**نافع عيد الجديد** · 11/05/09, (12:40 PM)

الغالي حمد الخمعلي

صح السانك حتى الرضاء

قصيده اعادتنا الى الحياه الماضيه وذكرتنا باشياء قد نساها الكثير

جزل ياحمد ومايجي منك الا الجزل

لك التحيه والاحترام

**أميرة الذوق** · 11/05/09, (01:34 PM)

«®°·.¸.•°°·.¸¸.•°°·.¸.•°®»صح لسانك

قصيده روعه

تعيدنا الى الماضي الاصيل

دمت بخير«®°·.¸.•°°·.¸¸.•°°·.¸.•°®»

**نايف سعد الخمعلي** · 11/05/09, (01:59 PM)

الأخ حمد صح لسانك وسلم بنانك
جزله من جزل
يكفي بها روح البداوة الحقيقيه
والغيرمصطنعه
دمت بكل الود

**سعود المسعودي** · 11/05/09, (04:19 PM)

حمد الخمعلي

صح السانك حتى الرضاء

قصيده اعادتنا الى الحياه الماضيه وذكرتنا باشياء قد نساها الكثير

الله يعطيك العافيه على الحضور الجميل

**مرزوق نومان** · 11/05/09, (04:27 PM)

الشاعر حمد الخمعلي
صح السانك الله يعطيك العافيه

رائعه من رائع

تحياتي لك

**معيض بن عريفج** · 11/05/09, (07:45 PM)

اخي الشاعر حمد

صح لسانك ملايين وبيض الله وجهك

انت ارقبة المرقاب ودنيتها هاشميه وخليتني ادندنها معك هاشميه

ابشرك لك خوي صح لسانك مره اخرى وسلم بوحك قصيده جزله

من راس شاعر جزل وتقبل مروري ودمت ودام تواجدك المميز ولك تحياتي