الجــنـــــون

[محمد العاند]

السلام عليكم ورحمة الله وبركاته
الجنون

اخلط العقل في دنياك جرعة جنون=وفك اسرك من حبال العقل والخيال
وان حسبت الخطايا تحت شوف العيون= ينتهي بك زمانك عبد وسط الرجال
وان كتبت القصايد لاجل ما يملكون= صرت شاعر ذليل ولو ملكت الريال
وان نختك العروبه والعرب يلعبون=( فالكلام كلامًُ والفعالُ فعال )
لا تخيل المطيره جتك برق و مزون= من جنوب الجزيره لين حد الشمال
شاعرٍ ما يقلد سابقات اللحون = من بنيات فكره ممتلكها حلال
شاعرٍ ما تلبّس شعر غيرى زبون= فيض فكري تجمل بالحكم والمثال
لو نقول الحقيقه للعرب يزعلون= الحقيقة مريرة قد تطيل الجدال
اكبر القوم ينهض لاجل ضحكة مجون= يلبسون المعاصى مثل لبس النعال
يدعون العروبه كلهم يدعون = والعروبه تعاني من جيوش احتلال
اين جسمن تداعى لا اشتكى تشتكون= اين درع الجزيره اين سيف العدال
جرح الامه عميق وكلكم تطعنون = وافتخار العروبه بالغنا والجمال
لا تلومون شاعر صار شعره يمون = دام ما كل مذن في وطنا بلال

[سعوط المجانين]

حجز اول


وان كتبت القصايـد لجـل مايملكـون
صرت شاعر ذليل ولو ملكـت الريـال

بيت عن قصيده لا مجامله

صح لسانك ولاهنت

..

[شجاع النومسي]

صح لسانك إلين ترضا

قصيدة جزلة من رأس جزل بالمعاني

أبيات عانقت الأبداع

[خلف الغريب]

محمد العاند..

انت مبدع في كل حالاتك وشاعر كبير لا تحتاج الى شهادة من احد ..

لا تخيل المطيره جتك بـرق و مـزون
من جنوب الجزيره لين حـد الشمـال
شاعرٍ مـا يقلـد سابقـات اللحـون
مـن بنيـات فكـره ممتلكهـا حـلال
شاعرٍ ما تلبّس شعـر غيـرى زبـون
فيض فكري تجمـل بالحكـم والمثـال

ابيات جزلة وحمية على العروبة تشكر عليها ..


تحياتي وودي..

[هبوب العنزي]

جرح الامه عميـق وكلكـم تطعنـون
وافتخـار العروبـه بالغنـا والجمـال


الشاعر (محمد العاند) قصيده اشبه ماتكون بمجهر سلط على حالنا والله المستعان

دام هذا العطاء الشعري الجزل,,,

[عبدالعزيز السعود]

الرائع : محمد العآند ..

صح لسانك

على هالقصيدة الجزلة..تحياتي

[فهد الشافي]

الرائع : محمد العآند ..

صح لسانك

على هالقصيدة الجزلة..تحياتي