يآشيخ ـــي أبشِرٍ لو تدور الدواليب ..بنتك لامنه عوى الذيب ذيبه .. - °~*¤®§(§ شبـــكة ويــلان العـربـيـه §)§®¤*~ˆ°

**برنسيسه** · 29/04/09, (11:05 PM)

يـــابوي جعلك للبقا والمكاسيب
عمري بدونك يالذّرا ويـش أبـي بـه ..

يابوي تسأل عن شفاك المراقيب
طلعـة سواتـك للنّــــــوايـف غريبـه ..

ليه المرض مايعرف الزّين والعيب ؟
مايدري انك للمخالــيق هيبـه !!

أبسألك وش به غزا وجهك الشيب
والـــقلب لايـع والنواظـر شحيبـه ..

وش بـك تحاتي لانوى الموت تغريب
تخشى علينا بالليّالـي الـــكئيبـه ..

خذ دلّتك واركى على مسند الجيب
وعطني شماغك بلثمه وأحتمي به ..

ونروّح لأرض ٍ بها العشب والطيب
وتسمع كـــــلام ٍ يالغلا تحتفـي بـه ..

يابوي بنتك لاانحكى بالتّجاريب
كـــــــــل ٍ يشـق لهيبـه الصّيـت جيبـه ..

يابوي ماني من سوات المخاريب
اللـّي تجيـب لعليَـة القـــــــــوم خيبـه ..

وماني من اللّي لامشت حفّها الرّيب
أنا من اللّـي مايدنّـس حليـــــــبـه ..

مرفوع شاني عن غرام المكاتيب
وأكبر من انّنــــي أرتضي بالحبيبـه ..

أنا غرامي لاابتدوا بالتّراحيب
نـــفوس الأوادم فـي وجـودي رحـــــيبـه ..

وان كـــــان زيني فتنة ٍ للمصاويب
أحـط وجهـي بالحريـق ولـــهيبـه ..

زيني أبيعه وأشـــــتري سمعه الطّيب
اسم ٍ ينومس بالصّروح الذ ّهيبـه ..

وان كان عندي ( بالحلا) شي ٍ اصعيب
عندي جدود ٍ مارضت بالغليبه ..

دمــوع القبايـــل فـي لقــــــانـا مساكيب
كـن الـمقابـر لاحضرنـا قريبـه ..

خضّبت لك كفّي من العز تخضيب
ورفعت راسي للنّجــــوم الصّعيبـــه ..

والله لأســـدّك بالــفعول المصاليب
والله لأشيلـك بالــرخـا والمــصيبـه ..

طلـــع الــمعالي ماانحكم للشّواريب
بنت ٍ وأنـــاطح فـارس القـوم طيبـه ..

وياشيخي إبشر لوتدور الدّواليب
بنتك إلا منّه عـــــــوى الذّيب ( ذيبـه) ..

تحياتي وتقديري لك من سجل مروره هنا ..

<..........)()(...البرنسيسه ...)()(............>