بساط الريح

[نشمي الماضي]

أعزائي الأعضاء الكرام هذه مشاركة شعرية بقلــــمي وأتمنى أن تنال على الإعجاب .


.............(( بســـــــاط الريـــــــــح ))..............

الا يابـسـاط ناديـتـك وتــوّك جيتـنـي هالـحـيـن=بعـد ماغـاب عـنّـي يابـسـاط الـريـح وأشقـانـي
بعـد مايبسـت اوراق الغـرام بحلمـي المسكـيـن=بعـد ماودعـت شمـس الصبـاح ورود بستـانـي
أنـا أذكـر يابسـاط إنــي تمنيـتـك قـبـل عامـيـن=قبل لاتغـرد طيـور الشقـى فـي عالـي أغصانـي
قبـل لايعشـق الليـل الكئـيـب عيـونـي الثنتـيـن=قبـل لا تسكـن دمـوع الــوداع بـداخـل أعيـانـي
قبـل لاتفـقـد شـمـوع الـغـرام مسـامـر الغالـيـن=قبـل لاتـذوب همسـات الحنيـن بـداخـل لسـانـي
قبل ماهاجسي يبحر على مركب ولا أدري وين=إلين أبكي وأعرف إنـه علـى المحبـوب ودّانـي
أحبه كثـر ماسالـت دموعـه مـن علـى الخديـن=كثر ماأبكيت له عيني وهو يبكـي علـى شانـي
كثـر مـامـر بـأوراقـي قـبـل لاأكـمـل الشطـريـن=تصـوّرلـي وأنــا بكـتـب قصـيـد بـواحـدٍ ثـانــي
الا ياطيفـه المجنـون جـيـت منـيـن وإلا منـيـن=دخـلـت وعـنـك ماكـنّـي مـسـكّـر كـــل بيـبـانـي
أنـا ماقلـت لــك تكـفـى تريّحـنـي ولــو يومـيـن=أبـي أرتـاح مـن ليـل الهمـوم السـود وأحزانـي
على كف القدر نمشي مثل ماالناس به ماشيـن=وأنـا كـف القـدر قــدّر عـلـي مـاشـوف خـلانـي
ولكـن يابسـاط الريـح دامــك جيتـنـي هالحـيـن=مابيك تروح وأنت الي مشيت وجيت لي عاني
أبـي هالحيـن تاخـذنـي تودّيـنـي بــلاد الصـيـن=عـشـان طيوفـهـا لاجــت تـدوّرنــي ماتلـقـانـي

تقبلوا خالص تحيات اخوكم نشمي الماضي

[سعد النفج]

الشاعر المميز / نشمي الماضي

حياك الله في أول حضور ..

حضور مميز و نص رائع لا يكتبه إلا كمن هو مثل نشمي ..

مفردات عذبه .. واسلوب مميز

لا أملك إلا تثبيت الموضوع لروعته ..

تقديري لك ..

[محمد صالح]

قصيده رائعه من شاعر مميز

الشاعر نشمي الماضي

حضور مميز وكلمات بصميم

اخوك محمد

[رابح الغضيان]

الشاعر/نشمي الماضي

هلابك وحياك الله شرفنا حضورك الرائع

هلابك في بيتك الثاني ويلان العز

صح السانك على هذه الرائعة من شاعر رائع

تحيااااااااااااااتي لك

[حمد الخمعلي]

الاخ الشاعر نشمي الماضي


ياهلا وغلا بيننا0


صح لسانك وسلم قلبك0

بدايه تجعلنا ننتظر جديدك بكل شغف0


تحياتي

[منصور الجلعود]

أنا ماقلت لك تكفـى تريّحنـي ولـو يوميـن
أبي أرتاح من ليل الهمـوم السـود وأحزانـي

الله الله

الشاعر القدير/نشمي الماضي

صح لسانك مليار وتكرار

سعداء بتواجدك معنا

وسعداء اكثر بشاعريتك الفذة والرائعة

لك الحب بنبض الود والتقدير


,

[أبو غرام]

نشمي الماضي

صح لسانك اخي

ودمت بود