والله انه ما يمشيها عليّه

[الصقار]

الخيّال أشهر من الحر النداوي =والنداوى رمزٍ لليمنى النديه
وحيلة النصاب مقطوع الرجاوي=والله انه ما يمشيها عليّه
ليش دسيت الرواية وانت راوي=تدري ان العاقبة ذنب وخطيه
يوم جاك الليل في بر الصداوي =ضعت يالراعي وضيّعت الرعيّه
صفر زايد صفر قلّي كم يساوي= يعني الذمة من الذمة بريّه!!
ليش سموا عود جاوه عود جاوي =وليش سموا الابجديه الابجديه؟
دلّتك فاحت وانا عنها غناوي =قهو قيس وقهو ليلى العامريه
أعظم الامثال في شعر الخلاوي =ما طرقها في اللحون السامريه
وعزت ابراهيم والياس الهراوي= يضربون امثال هيّه وهاي هيّه
وانت لو ينحي بك السيل النحاوي= رحت مثل الحبل ف رقبة المطيه
من سمعسمعة شليويح العطاوي= ميّز النفس الفقيره والغنيّه
يوم طار الستر عن مبسم مضاوي= ماطراه الا الشجاعه والحميه
الأزمه ما تغطيها الغطاوي=والسلوب العنجهيه عنجهيه
والله انك من بعيدين الهقاوي=مير تجرفك الحميّا الجاهليه
اسمع الفتوى من شيوخ الفتاوي=اسمها فتوى واسميها وصيه
ما هويت المستحيل الا انت هاوي=روح سرمد والمسافه سرمديه
بس حاول ما تطيح الا متساوي= لا تشب الحرب وتصير الضحيه

سلطان الهاجري

[سعوط المجانين]

الله اكبر

صح لسان ابن وسام ولاهنت على النقل المميز يابن هندي

صفر زايد صفر قلّي كم يساوي \\ يعني الذمة من الذمة بريّه!!

تقديري

..

[سعود المسعودي]

صح لسان الهاجري




وصح اختيارك يابن هندي


ودمت بكل خير

[سعد النفج]

صح لسان الشاعر المميز سلطان الهاجري

و هو مدرسه شعريه في وقت اختلط به الحابل بالنابل..

و شكرا على الاختيار الرائع و المميز من مشرفنا / ابن هندي

تقديري لك

[فهد السلقاوي]

صح لسان قايلها

وشكرا لك على هذا التنسيق

والانتقاء الراااائع

اخوك فهد السلقاااااوي

[فهد الشافي]

صح لسانك مشرفنا الغالي ابن هندي

صح لسان الشاعر المميز سلطان الهاجري

قمة في الاختيار

مودتي

[فيصل الرسلاني]

بس حاول ما تطيح الا متساوي
لا تشب الحرب وتصير الضحيه

رائعه من رائع واختيار موفق