{ كذاب من قال المحبه تساهيل& راحو ضحيتها عيال الحمايل } - °~*¤®§(§ شبـــكة ويــلان العـربـيـه §)§®¤*~ˆ°

**نافع عيد الجديد** · 17/04/09, (09:35 PM)

مما راق لي
لايومي بيـوم ٍ ولا ليلـي بليـل
ولا السّعد مقبل ولا الهـم زايـل

ماغير ازم هموم واحـط واشيـل
ولاراح منهـا هـم جالـه بدايـل

تدرون يالعربان وشهي البهاذيل؟
فرقى وليف وحظ مامن صمايـل!!

الوصل نعمه والمفـارق غرابيـل
ياحـظ ليتـك تعتـدل ماتمـايـل

لامن بغيت اعدّلك ترجـع تميـل
كنّك تقول اعيش وامـوت مايـل

والمهرة اللي ماتعيّن مـع الخيـل
من دونها تقصر جميع الأصايـل

من دونها ضاعت عقول الحلاحيل
وتضاربت فيهـا سلـوم القبايـل

ياشيب عيني يوم قفّت وانا اخيـل
دموعها وبلٍ علـى الخـد سايـل

وانا اتصبّر وازهم العقل والحيـل
والقلب يشكي للضلـوع النحايـل

اصبر مثل صبر الرجال المشاكيل
واخبّي جـروح الزمـن واتحايـل

لن الردي والهيس وخبل الرجاجيل
تفرح لا وراني الزمـان الهوايـل

وانا اترفع واترك القـال والقيـل
واجبر عزى قلبٍ على الموت آيل

وشب نار الشوق وارهي المعاميل
واريّح اعصابـي ببـدع المثايـل

ولاّ الغلا ماعاد يحتـاج تفصيـل
لنّـه مورينـي نجـوم القوايـل

ياللي غيابك حط بالقلـب تنكيـل
ويلي على قربك ولانـي بطايـل

لاغاب صوتك ماتفيـد المراسيـل
وفر على الجوال كثـر الرسايـل

والله لـو تاخـذ لدمـي تحاليـل
تلقاك بالجينـات صايـل وجايـل

حبك تعدى حب الاكـراد لأربيـل
الاّ تعـدى حـب شمـر لحـايـل

صبيت حبك مثل صـب الفناجيـل
وين الجليله تشرب اشواق وايـل

ياللي تواعدني من اسهيل لسهيل
والشوق في قلبي مسوي عمايـل

ليتك تبادلني الغـلا والمواصيـل
وترد لي بعض الوفـا والجمايـل

تعبت من قولة ظروف وعراقيـل
وتعبت من قولة ياقـل الوسايـل

غديت انا ويـاك مثـل المهابيـل
واشباهنـا فالوقـت هـذا قلايـل

لاقلت انا احبك ومشتـاق بالحيـل
تقول لي جعل العوض فالموبايـل

كذاب من قـال المحبـه تساهيـل
راحو ضحيتهـا عيـال الحمايـل .
............................................
الشاعـر .. محمد فهد العرجاني..
لكم تحياتي..

**سعود المسعودي** · 17/04/09, (09:45 PM)

ابوعيد

صح اختيارك اختيار اكثر من رائع و صح لسان شاعرها

دمت بود

**فهد الشافي** · 18/04/09, (01:02 AM)

مشرفنا المتألق نافع عيد الجديد

تميز فريد في اختيارك للقصيد

صح لسانك ولسان شاعرها

فائق تحياتي

**هبوب العنزي** · 18/04/09, (04:17 AM)

لايومي بيـوم ٍ ولا ليلـي بليـل
ولا السّعد مقبل ولا الهـم زايـل

ماغير ازم هموم واحـط واشيـل
ولاراح منهـا هـم جالـه بدايـل

تدرون يالعربان وشهي البهاذيل؟
فرقى وليف وحظ مامن صمايـل!!

الوصل نعمه والمفـارق غرابيـل
ياحـظ ليتـك تعتـدل ماتمـايـل

لامن بغيت اعدّلك ترجـع تميـل
كنّك تقول اعيش وامـوت مايـل

صح منطوق شاعرها,,,

وصح ذوووووق كاتبها وناقلها,,,

اخوي نافع تقبل احترامي وتقديري

**حمد الخمعلي** · 18/04/09, (04:47 PM)

الاخ نافع الجديد

الف تحيه لك على الاختيار0

مميز دائماً

صح لسان من قالها

تقديري

**أبن شعف الخدلي** · 18/04/09, (05:46 PM)

أخوي تافع يعطيك الف عافيه على النقل الممتاز ،، قصيده جزله

صح لسان قايلها ، ، ، تحياتي لك يالـحـر

**الصقار** · 20/04/09, (12:24 AM)

ابو عيد يسعد جميع اوقاتك

قصيده تستاهل الاختيار

صح لسان الشاعر وتسلم يانافع

تحيااااااتي