رمح جساس

[تركي فلاح]

إليكم هذه المتواضعه التي أتمنى أن تحوز على رضاكم واستحسانكم ...

من لا ستر جرحه عن ملامس الناس =لا يشتكي للناس لا زاد جرحه
ومن حط راسه تحت الأقدام ينداس =ومن لا استتر يلقى مع الناس فضحه
ومن لا عرف ساسه قبل يرفع الراس=يطيح لو هي عالي ٍ فوق صرحه
ومن هو تعمد بالبشر جرح الاحساس =ماينفعه بالناس مسبوق مدحه
كليب لو ماجار في حق جساس=ماكان مات كليب من جور رمحه
هذا ودنيانا مسافات وقياس =ودرس ٍ يطول ولا فهمناه شرحه
لكنّ اشوف قلوب عميا ويباس =تنبح مع اللي يستبيحون نبحه
حطوا لهم خزنه وقفل ٍ وحراس =وهي فارغه ماتحتمل ثقل سبحه
أجراس في روس ٍ شبيهه للأجراس =ترد صوت ٍ يصطفق فوق سطحه
ومن لا ستر جرحه عن ملامس الناس =لا يشتكي من الناس ..لا زاد جرحه

[عاشق المعالي]

الشاعر تركي فلاح

لافض الله فوك على هذه الشاعريه الفذه

شعر غير بتميز غير بمعاني وقوه غير

بصراحه اعجبني هذا التص الشعري واعدت قراءته اكثر من مره

صح لسانك

[هندي المقبل]

الله على هذه الجزاله الشعريه

ذائقه عاليه في اختيار افضل الكلمات للتعبير عن اسمى المعاني

الشاعر تركي فلاح مميز بكل حالاتك

صح لسانك

[سعود المسعودي]

الشاعر تركي فلاح مميز بكل حالاتك

صح لسانك وعلا شانك


دمت بكل خير وعافيه

[فارس الشمال]

هذا ودنيانا مسافات وقياس

ودرس ٍ يطول ولا فهمناه شرحه

تركي رائع وبيض الله وجهك على الابداع

تقبل مروري

[منصور الجلعود]

ومن حط راسه تحت الأقدام ينداس

ومن لا استتر يلقى مع الناس فضحه


الله الله

قصيده مفعمة بالحكمة

صح لسانك مليار وتكرار

ولاعدمنا تواصلك الرائع


,

[فهد الشافي]

صح لسانك تركي على هذا الابداع

قصيدة جزلة

فائق الود