قدم شاعر يدعى ابن ركبان من أهل الجوف على الشيخين (حاكم ابن مهيد ومقحم ابن مهيد )
وذلك إبان عصرهم وشاهد الكرم وقد استغرب الشاعر أنه بقى أكثر من شهر
ولم يسأ له احد ففي أحد المناسبات كان حفل كبيرفي بيت الشيخ حاكم ابن مهيد
ويحضره من ولاة الدولة التركيه وشيوخ العشائر وقد شاهد الشاعر
(الرجاجيل واقفين بنحية السمن)
ويصبونها على الذبائح وشاهد الصينيه المسماه (أم الحلق )
وقد برك بها أربعة بعارين وبين كل منهن جمله من الغنم ففاضت قريحة الشاعر وأستأذن الشيخ
بإلقاء القصيده إلا أنه قال له دعها مرة ثانية فأخرج ابن ركبان الخنجر وأقسم أنه سوف
يطعن نفسه إذا لم يسمح له الشيخ حاكم ابن مهيد فسمحو له بإلقائها.. قال فيها:
لفيت أنا لبيـت تهاشـل هواشلـه = شـروى وراد يغرفـون قلـيـب
هذا منهـم مصـدر وهـذاك وارد = وهذا يحتري دوره وهذاك قريـب
بيت لحاكم صـدق الوسـم فوقـه = نـو تقفـا بـه ربـاب ومصيـب
مدهال سمحيـن الوجيـه الحمايـل = سهـل جنابـه للضيـوف لبيـب
منارته عمال تاكـل مـن حطـب = حماسهـا يتلـف وهـذاك يجيـب
ياكن ضرب النحاحيـس وسطهـا = لهونـدة لهـا بكـل وقـت قنيـب
حاكم شجـاع للمواجيـب يرتكـي = لاشانـت الأيــام زاد بطـيـب
لا هو بصفق ولا تغيـر مراجلـه = يمنـاه تنفـق والكريـم يجـيـب
حاش المراجل كلهـا محـزم لهـا = حصان اليانشب الكديـش عريـب
ولـي مـدة ياشيـخ قالـع النيـا = بعيـد المـدى ولا مـداي قريـب
وخليت أنا سبع الطواريف وجيتـك = منيوب وحادينـي عليـك حسيـب
وزمالتـي يالله عليكـم وصـلـت = لدياركـم يازبـن كــل هلـيـب
لا كعبـت بنحـور خيـل ملبسـه = والمـوت عنـد الخيريـن قريـب
تحدهـم بالكـون فـي لـدن القنـا = في ساعـة منهـا القـروم تعيـب
تقاصـروا وسـو البـلا بايمانهـم = السيف قصبـا والعـروق عطيـب
ياشيـخ شفـي بكـرة صيعيريـة = كبيـر فقـاره للـشـداد دريــب
أدور أنـا عليهـا شيـوخ مثلـك = وأدور أنـا لـي عندهـم نصيـب
أنـا بعيـد الخيـريـن قريبـهـم = مانـي بمسكيـن مـداه قـريـب
أنا دخيل مقحم عن العوز والفلـس = وعن كـل سبـاب نبـاه غضيـب
كما إن مقحـم حاكـم ولـد حاكـم = وقلبه على لوعات الزمـان لبيـب
ربيع الضعافي لاركب الموسم الدهر = لـه بالمـروه والمديـح نصيـب
يركض على الطابور لو كثر جمعهم = عنـه السبايـا شــرد وهـذيـب
يروي شبات السيف في كـل هـده = لبـوه مركـاض عليـه تعـيـب
مهيدات تربي بالمراجـل جدودهـا = وزلازل تنبـت منـاقـع طـيـب
مهيدات منقع الندى لاشـح النـدى = عز الضعيف ومن يكـون قريـب
مهيدات تلقا نيـة الخيـر عندهـم = هلا الربـاع لطـام كـل حريـب
وصلتم ما الحقت نفسـي حسايـف = الله لوقصر قصر دونكـم نصيـب
تمت واختمها بصلات عـل النبـي = اعـداد مـاورد القطيـن عزيـب
ويقولون ان الشيخ حاكم ابن مهيد اعطاه طلبه
ــــــــــــــــــــــــــــــــــــــــــــــــــ ــــــــــــــــــــــــــــــــــــــــ
وفي مدح ابن مهيد قال الشاعر رميح الخمشي العنزي
قصيده يمدح فيها كرم ابن مهيد اللامحدود في وقته وهي :
ياهل الركايب لالفيتم مناكيف = كمل شحمهن والملاكد مجاهيم
مع سهلة مابه شبوح وتشاويف = كود الحباري ساكنه اواشقح الريم
بليل الشتى كنه نهار من الصيف = بغربية تلقى بها جل البكار المراييم
عوج لحاهم من لطمهم مشانيف = غير السوالف والتطلم مصاريم
يزمي لكم بيت يخوف ايلا شيف = ويبهج كبود الي كلاهم مهاظيم
تلقون كيف وزايدينه تعانيف = وانتم على البن المبهر مظاريم
بيت الندا طب القلوب الملاهيف = يذري الي صكت عليك الملازيم
بيت الذي يضحك حجاجه ايلا ضيف = ذبايحه جل النياق المراديم
بيت الصخاريف ايلا كمل الريف = تسمع ورا القاطع ضريس الخداديم
كل يبي مثله ولاهي على الكيف = يجود مره ثم ينكل ايلا ظيم
اللي يكدون المهار المزاغيف = لاحل ضرب مثل ضرب القداديم
يرون حد مصقلات مراهيف = ربع على جدع المدرع صواريم
وسلامتكم امل ان تحوز على رضاكم
04/04/09, (03:16 PM)
من القصايد التي قيلت في كرم ابن مهيد
العرض العادي
