الله خلقـنا للشــدايد والعطــايا و المحـــال

[بشير النزال]

اخواني الكرام في ويلان

السلام عليكم ورحمة الله وبركاته

كلي شرف بهذا التواجد بينكم ويسرني أن امد لكم يدي بهذه القصيدة

يقول من ساق القدم عاني من اطراف الشمال =ساري وعن برد الشتاء نار الهقاوي شبها
وقرب عليها في كنف صدره بغاديد الدلال =وفاحت بريح الهيل واركاها وقام وصبها
على رجالاً تعرف اني ما اسوق الا الجزال=اطرب مسامعهم قبل لا قلوبهم تعجبها
والشاعراللي لـ كتب كم بيت ضاق ابه الخيال =يقال له قصاد والعسرات مايكتبها
هذا وانا يا سامعي مؤمن وواثق في مقال=ان المسافة لا سريت الليل ما تتعبها
فلا ثناني البعد حيث البعد قطاع الوصال=واللي حباله قاصره ما جب قاعة جبها
واللي رفع راسه وداخ ليانظر روس الجبال=يبطي عظم روس الجبال النايفة ماارقبها
واللي تثاقل خطوته مازمها لا جاء مجال=يقعد طرف روس المراجل ما حضنها وحبها
واللي على الصعبات يدخلك فـ نطاق الاحتمال=عصابةً وقت الشدايد لا ولا يعصبها
واللي تجمل بالحكي على ذقون اهل الجلال=قل روحت بدري عليك الناس تدري ربها
ومن لا اعتزى بمعرباً مابين عم وبين خال=ايدين صدقان الرخاء يظما ولايشربها
وانا ليا عدو هل الوقفات واصحاب الكمال=وكلاً تفاخر في مناسب لابةً ينسبها
ارقى سنود وعنقي براسي على الهامات طال=لا دلبحة روس الرجال اللي رديً غبها
لياقلت من ( وايل ) معشية التفق روس الرجال=ومخضبة وجه الحدب دمٍ من اللي شبها
ومروية روس الاسنه ونمش وقت القتال=هبوب نصر المعركه ربي علينا هبها
لنا على الوقفات تاريخً ينومس والمثال=قل ( كل قوم ولا عنزة ) هذا المثل يضربها
في ساعةً ترجح موازين الثقال من الثقال=نعدل الميزان بعامارٍ عليه نذبها
وفي ساعةً تقلط وجيهٍ لاعتباراتٍ جلال=نقلط بجاهً له وجاه وحسبةً يحسبها
مجد ًتوارثه الجدود من الجدود ولا يزال=يحكي مآثرسيرةً تعبت لو بسهبها
حديث من قول النبي عنا في ما معناه قال=مبغي عليها والنصرحليفها من ربها
توحدوا توكلوابااللي عليه الأتكال=تجمعوا بقلوب طيبتها مصادر حبها
الروس مليانه حميا ما على ذلك جدال=شبعانةً طنخه عجزمن راد يطحن حبها
اللة خلقنا للشدايد والعطايا والمحال=رديناردي ذيبً حربتها يحربها
يوم انها فوق الرمك نشرب من يدينا زلال=ومن قلط حياضه علينا الياملاها نكبها
واليوم في حكم العداله والعدل والأعتدال=والدين نعرات القبائل والجهاله جبها
في ظل اخو نوره بنعمه دامها الله من الزوال=شلفاك شلفى العلم في وقت اللزز تضربها
والناس صارو اخوةٍ في كل وقت وكل حال=ترحمواعلى الذي لم القلوب و ضبها
لم القبايل لين صاروا للجزيره راس مال=وصرنا قبيله اسمها ( سعودي ) نموت بحبها
ننعم بأمن ونعمة الأسلام ونعادي الضلال=والحكم لابن سعود واعمار العباد لربها

[نافع عيد الجديد]

ماشاء الله عليك

درر في درر

لااستغرب ذالك

هنا بشير نزال علم الابداع

صح السانك ملايين ولايكفون

تقبل احترامي واعجابي

[خلف الغريب]

تثبيت لهذا الجمال ولي عودة ..

[سليمان الجعفري]

بشير النزال

صح السانك ملايين

ماشاء الله عليك

درر وابداع راقي ورايع

تقبل تحياتي احترامي

[ناصرالسويلم]

بشيرالنزال

اسم لامع في الشعر والكرم

وألف نعم بك وصح لسانك

هنا تناثرة الدرر هنابدى جمال القصيده للمتلقي

تقبل مروري المتواضع

[ماجد الغانم]

الغاااالي

والشاااعرالقدير

بشير النزال

ياهلا مليون وحياااك الله

تشرفنا بهذه الطلة الراائعه ...والحضور الغير مستغرب

والذي يحوي الجزالة والأبدااع

صح لسااانك ولاهنت

كفوا والله وبيض الله وجهك

احترت ما ذا اكتب لهذا الشموخ المتميز

لله درك ...لله درك

وسجل اعجاااااااابي وكفى


دمت بكل خير ...وداام هذ الحضور المبهر

تقبل خالص تقديري واحتراامي

[جبار بن عابر]

واليوم في حكـم العدالـه والعـدل والأعتـدال
والديـن نعـرات القبائـل والجهالـه جبهـا

في ظل اخو نوره بنعمه دامها الله من الـزوال
شلفاك شلفى العلم في وقـت اللـزز تضربهـا

والناس صارو اخوةٍ في كل وقت وكـل حـال
ترحمواعلـى الـذي لـم القلـوب و ضبهـا

لم القبايل لين صـاروا للجزيـره راس مـال
وصرنا قبيله اسمها ( سعودي ) نموت بحبهـا

ننعم بأمن ونعمة الأسـلام ونعـادي الضـلال
والحكم لابن سعـود واعمـار العبـاد لربهـا


بشير نزال

رجل يجعلك تبتحل وش تسميه فيلسوف و شاعر وكاتب و مثقف ,وبجداره

رجل نبيل يتمتع باخلاق عاليه , وذوق رفيع

عندما اقراء اسمـــــه

استذكر نزال الفرسان في الميدان , وافتخر به

واستذكر بشير الخير والانتصار , وافرح له

بشير نزال

شكرا لهذا الاهداء الانيق ,والجزل , بيض الله وجهك يابناخـــي .