الصمــــــــــــــــــت

[هبوب العنزي]

قصيده(صقر عنزه) قصيده هذا الرمز الشامخ قصيده ذلك الفيلسوف المحنك


قصيده (ابن رشد هذا الزمان) تحكي واقع ملموس واقع عندما يتكلم الصمت


في وجه ذلك الصغير ليبين له طريقه واي درب يجب ان يسلكه ,,,


فدعونا احبتي نقراء الصمت ,,,

الصمت في بعض المواقيف منكور= والحكي في نفس المواقيـف خيـره
ماللصبر داعـي الياوصلـت الـزور= كف البليد اللي مضيـع مسيره
اللي على الصحبه معه كنت مجبور= زميل درس وقبلها حـق جيره
من جانبي صحبه بها العز مذكور= ومن جانبه صحبة مصالـح خشيره
كم لي وأنا اطوف له سنين وشهـور= واقول اخيره بس ويـن الأخيـره
وان كبر الزله علي قلت معذور= صاحب ويمـزح والكبيـره صغيره
الين خلى الدم في قلبـي يفـور= الهافي اللي مهفـي الله ضميره
دستور ياعصر الحضارات دستور= أنا اشهد انك ملت ميلـه كبيره
خليت واحد مثـل هالنـذل منصور= يجرى على قـول العلـوم الخطيره
يقول لي هكري ومن هكـرة الزور= ولا لنا بين العـرب اي سيره
هكري بعينك لعنبو عين هالثور= ياثور حنـا اللـي حكمنـا الجزيره
من العراق إلين عرعر وابا القور= لطريف لديـار الشريـف الشهيره
للشام ل لبنان واستكمـل الـدور= ل َ نجد لديار الكويـت القصيره
حكام من حكام والسيف مشهـور= من دم جدانك نخضب جفيره
عيال وايل مابنا راس محقور= روس الرجال اهل الوجيه السفيره
عيال وايل عز من بات مقهور= يصبح بعزمايبي عز غيره
صقور صيد وصيدنـا كلـه صقور= يازين صيدات الصقور المغيره
لنا على دار الفخرعرش وقصور= وانشد وتلقى العلم في كل ديره
شجعان خلقه والشجاعه لنـا سور= والشاهد الله والسيوف الشطيره
رضيعنا يسوى ثمانين طابـور= من مثل جنسك يامخاشر منيره
من مثلنا ياناقـص العقـل والشور= حتى الذي مثلك يزودصفيره
هذا وانا ماقـول بالعالـم قصـور= الطيبه في كل قوم وعشيره
مير انت ناقص وابن ناقص ومحقور= واخف عندي من قشور الشعيـره
لكن ترى ماقال راكـان مخبور= الهرج يكفي صامله عن كثيـره
ياثور يابن الثور ياربايـة الثور= اترك بني وايـل ورح للحضيره

مطلق النومسي

[سعود المسعودي]

هبوب العنزي



الف شكر لكِ على هالاختيار اللي اكثر من رائع





صح لسانكِ وصح لسان الشاعر القدير مطلق النومسي

[ناصرالسويلم]

هبوب العنزي


دام تواصلك

الله يعطيك العافيه

تقبلي تحياتي

[هبوب العنزي]

المشاركة الأصلية كتبت بواسطة صقر الصقور

هبوب العنزي



الف شكر لكِ على هالاختيار اللي اكثر من رائع





صح لسانكِ وصح لسان الشاعر القدير مطلق النومسي

هنا اجد اخي الكريم صقر الصقور متابع لهبوووب حتى في نقلها لجمال القصيده


تحيه اجلال وتقدير لك ياصقر وبيض الله وجهك,,,

[عبدالعزيز السعود]

هبوب ..

سلمتِ على هالانتقاء الجميل ..

[علي السابل]

الأخت هبوب

صح لسانك ولسان شاعرها ..

قصيده رائعه بروعة ذائقة القديره هبوب..

(بس أرجوإنك تراجعينها من مصدرآخر.

لأن فيها كلمات مفقوده وبعض الأخطاء التي لها تأثيرها على إختلال الوزن..)

من الأعماق شكرا على هذا الجهد

تحيات وتقديري

[هبوب العنزي]

اي والله ياعلي اعتمدت على حفظي للقصيده وراح على الوقت بالتصحيح لكن ان شالله يمر


المشرف ويعدل بالنص


تحياتي اخوي الكريم