شاعر الذكرى - °~*¤®§(§ شبـــكة ويــلان العـربـيـه §)§®¤*~ˆ°

**حمد الخمعلي** · 12/03/09, (08:04 PM)

نامت حزينه على وجـدان شـاعرها=واحترت باللي معي بالرمش غطيته
ناديتها يوم انا بالشـوق غامـــرهـا=وصحيت ليل السهر عنها وسـريته
شفت التعب والسهر يسكن محاجرهـا=والهم بظلوعها تسمع تـناهيــته
واسهرت عنها السهر من شان خاطرها=ولانام قلبي على طاريه صحيتــه
هذي هي اللي وفـت لي في مشاعرها=حبٍ تمكن بقلبي وارتفع بيتــه
هذي هي اللي على الميثاق خـابـرها=اللي هواها سمــعني يوم ناديته
هذي هي اللي على صوتي انثــرها=اللي غلاها كـتب شعري وغنيتـه
مدري حقيقه او اني كنت ذاكـرها=او هي صحت من خفوقي يوم مريته
مدري ولكن بعيني كنت اناظــرها=يوم اقبلت من شقاي الوقت خليـته

العندليب

عوض القطياني