نافع عيد .. ادخل السوق - °~*¤®§(§ شبـــكة ويــلان العـربـيـه §)§®¤*~ˆ°

**خلف الغريب** · 01/03/09, (09:22 AM)

خلف الغريب

سلامي على نافع وابا اقول نفاع=معك ناوي احقق ببعض المواضيع
لقيناك يا ابو عيد تشري وتبتاع=ولكن تبيع برخص لام المقانيع

نافع الجديد

هلا مرحبا من قال نفاع مرتاع=تفضل يابو خالد وهات المطاليع
ترى عادتي بالسوق مااحب الاطماع=وبيعي يعم الكل مابه مطاميع

خلف الغريب

اذا انك تتيه الدرب باقول لك راع=وهذي نتيجة تاجر يخلف البيع
شهود الشريعة تازن المد والصاع=وانا لو حكوا لي قبل ما اشوف ما اطيع

نافع الجديد

دروب كثيره وامشي بدرب الاسناع =ولوغيرنا يرمع ببعض المراميع
شهود الشريعه بعضهم يضرب القاع= خذينا عليهم بالمزايد مشاريع

خلف الغريب

انا اقول هذا شرع لا تظنه شراع=ولكن عسى الله يغفر الذنب لجديع
ترا ما حدانا عنه طقك بالاصباع=وحنا نطوع عاصي الدرب تطويع

نافع الجديد

ترى الشرع ماحطوه للحق مضياع=ولاهي على كيفك تبي حقي يضيع
يخوفي تصير نهايتك سبة افزاع=وبعض العرب ماتوا من اسباب تشجيع

خلف الغريب

اذا لك حقوق ابشر ترا الحق ما ضاع=ولكن عليك حقوق شفهن مفاريع
ولا مات بالفزعة سوى طايل الباع=وبعض العرب ماتوا بصوت الطراطيع

نافع الجديد

انا وين ادور حق من شخص طماع=تبلى عليه لجل بعض المنافيع
لاياصارت الفزعه لجل ظلم واسماع= تبين تنتهي والخصم ماصابه الريع

خلف الغريب

اشوفك تدير الوجه عن بعض الاوضاع=ورجلك تلفلف عن دروب التسانيع
انا اقول هذا الذنب ثابت بالاجماع=ولكن تتوب احسن من الذنب وتريع

نافع الجديد

طبوع البشر ماتتفق عدة انواع=وانا اعامل العالم بحسب التطابيع
ابا اعطيك راي تخاوي الذود مرباع=وتترك لكاعه ركبوها الملا كيع

**تركي صالح** · 01/03/09, (10:54 AM)

مبدعين الى اخر حدود الروعه

شعراء مميزين تجبروننا على المتابعه

خلف الغريب ////// نافع الجديد

دمتم بخير

وتقبلوا خالص التحايا

**أبو غرام** · 01/03/09, (11:29 AM)

الله الله الله

محاوره طيبه جميله

وتلغيم إلى أبعد حد

=

متابعين بصمت

**نافع عيد الجديد** · 01/03/09, (11:47 AM)

اقتباس:

المشاركة الأصلية كتبت بواسطة تركي صالح

مبدعين الى اخر حدود الروعه

شعراء مميزين تجبروننا على المتابعه

خلف الغريب ////// نافع الجديد

دمتم بخير

وتقبلوا خالص التحايا

يالله حيه

الابداع مرورك المشرف

الله يخارجنا من ابو خالد ههههههههههههههه

**نافع عيد الجديد** · 01/03/09, (11:48 AM)

اقتباس:

المشاركة الأصلية كتبت بواسطة ابو غرام

الله الله الله

محاوره طيبه جميله

وتلغيم إلى أبعد حد

=

متابعين بصمت

يالله حيه

لاهنت على المرور المشرف

**عمر الطويلعي** · 01/03/09, (02:08 PM)

صح لسانك يا أبو خالد
وصح لساك يا نافع

مبدعين ... وحنا متابعين , وبصف أبو خالد ما بها كلام , ولايهون نافع

**نافع عيد الجديد** · 01/03/09, (02:15 PM)

اقتباس:

المشاركة الأصلية كتبت بواسطة عمر الطويلعي

صح لسانك يا أبو خالد
وصح لساك يا نافع

مبدعين ... وحنا متابعين , وبصف أبو خالد ما بها كلام , ولايهون نافع

الله لايهينك وصف ابو خالد اعتبره صفي

دمت بسعاده