فـــي غيــــابي

[مشعل رميض]

السلام عليكم


صباح الخير

من غياب الى غياب


هو سؤال وحير خطوط الاجابه
او اجابه ضيقت خلق السؤال

كل مايطري عليا قمت اسولف فـي غيابـه=مادريت الى يديني تكتـب الجملـه سويـه
قلت يا مشعل تولم واكتب الشعـر بغرابـه=حاول توضح رمـوزه او تخفيهـا شويـه
يعني لو قلنا جماله مـن دلالـه فـي كتابـه=يمكن انه التحالف يصلح ظـروف القضيـه
او نقول ان السماحه في عيونه مـن عذابـه=لاضحك يمكن يؤثر يعتبـر جايـب هديـه
ذاتا مره عند بابه لابسـن لبـس الذرابـه=يعني كاشخ ياخي كاشخ ليت ايدينه بديـه
كيف ازعل شخص مثله كيف ماارحم شبابه=كيف طيب اعتذرله خايفن يشـره عليـه
جيت يمه قلت هاوي قال هاوي قلت غابه=الاسـد مايتركونـه لضبـاع ولـلاذيـه
قال طيب في غيابي قلـت ناقصنـي ربابـه=الحزن صاير خويي وحتى انا صايـر خويـه
قال طيب في غيابي قلـت رسمـه بسحابـه=كنت اشوفك يا هوايا والاجابه فـي عنيـه
قال طيب في غيابي قلت اجهزلـك عتابـه=كنت اجهزلك جيوشي والحروف الابجديـه
قال طيب في غيابي قلت شخص ولا درابـه=لااخوه ولا ابـوه ومـن بليـه لـي بليـه
قال طيب في غيابي قلت همـي وماشكابـه=شايفن دمعت سجينن لا طروله شوف خيه
قال طيب في حضوري قلت اغانينا صبابـه=مثل قيس ابن الملوح شاف ليلـه العامريـه
ارجع اليا يا هوايـا ولا بسحـب هربابـه=الحزن مبطي خويي حتى انا مبطـي خويـه

[سعود المسعودي]

صح لسانك وعلئ شأنك



وتسلم يمناك على الرائعه



لاهنت يالقرم

[مشعل رميض]

صقر الصقور


اسعد الله مسائك

مرورك كان ولا زال رائع

وصح بدنك الغالي



دمت بود

[بدرفهد الجعفري]

الشاعر مشعل رميض

صح لسانك وسلمت يمينك

مبدع

[مشعل رميض]

...بدر فهد...

حياك الله ومنور الصفحه
وصح ابدانك

... دمت بود ,,,

[خلف الغريب]

صح لسانك اخوي مشعل رميض ..

فكر وخيال وقالب جميل ..

احببت ان انوه بأن الاخطاء الاملائية تسلب من القصيدة شيئا من جمالها

اذ يلتبس قراءة بعض الكلمات مما يؤثر تلقائيا على المعنى فينصرف الذهن عن المعنى المقصود

او يؤثر ايضا على اوزن فنحس بالثقل في بعض الابيات وهي ليست كذلك..

تمنياتي لك بمزيد من التقدم ايها الرائع..

[ناصرالسويلم]

صح بوحك

شاعرجزل

تقبل تحياتي