ربعي الويلان

[سعود بن فرحان]

السلام عليكم ورحمة الله وبركاته
وبعد ,,,
يسرني ويشرفني انضمامي إلى هذا الصرح الشامخ الغني عن التعريف منتدى ( ويلان ) كما يسرني ان اضع اولى مشاركاتي الشعريه واتمنى ان تنال اعجابكم واستحسانكم :
:
:
:][`~*¤!||!¤*~`][[/color]

الولد وان طاب طيبة من خواله= قالها العجمي وهي تطري عليه
احمد الله عزني ماني حثاله= من سلاطين العرب ماني شويه
ربعي الويلان من نجد لشماله =ومن جنوب المملكه للهاشميه
كاسبين وفعلهم ياطيب فاله= والسعيد اللي وسومه وايليه
فعلنا مايحصره قدحة محاله= فعلنا مبطي بوقت الجاهليه
كم زعيم صيحو فوقه عياله= من فعايل ربعنا راحو ضحيه
انشد التبع عن اللي قد جراله= من فعايل وايل كليب وخويه
يوم عال ولا لقا فيهم سهاله= مارضى وايل يصير من الرعيه
طيحو حكمه وصارت في ضلاله= يملك العالم مهو يملك قريه
ونشدو كسرى عن افعال البساله= يوم صاحت بنت حكام قويه
ونشدو من عدل دروب المياله= يوم وحدها على ضهر العبيه
يوم جاها وسترد اللي غداله= وصبحت في ضل حكام ابيه
وايلي لا وصلت الطيب ومجاله= يرتفع راسي على كل البقيه
دون تقصير (ن) بصباب البياله= دلتي لا داخ راسي شاذليه
قالها من يفخر بعمه وخاله= مطرفي ولا الخوال طويلعيه

[هندي المقبل]

سعود فرحان

ياهلا وغلا والله يحييك في شبكة ويلان العربيه

والف نعم بك وبالعمام والخوال


صح لسانك

[شاعر البيتين]

صح لسااانك ونعم بك وبربعك الويلان



الف مليون صح لساااانك



سلمت ودمت














تحياتي وتقديري

[سعد النفج]

سعود فرحان

و نعم فيك و في خوالك و عمامك

و صح لساااانك

و حياك الله في هذا المنتدى ..

بين اخوانك و اخواتك ..

و يا هلا بك و يا مرحبا ..

اما بالنسبة للنص ..

نص شامخ يا سعود و يحمل الافتخار و الاعتزاز ..

قرأت الشموخ بين أسطر هذا النص ..

حضور مميز في أول مشاركه ..

تقديري لك يا سعود و من تميز الى تميز آخر..

[سعود بن فرحان]

هندي المقبل : صح بدنك الشرف لي طال عمرك . واشكرك على مرورك فهو وسام لي .
شاعر البيتين : شهادة اعتز بها منك .
سعد النفج : اتمنى ان استفيد من خبرتك . والقصيدة لم يكتمل جمالها إلا بعد مرورك .

[رابح الغضيان]

الشاعر/سعودفرحان

بيض الله وجهك

ورفع الله قدرك وشانك

صح لسانك على هذه القصيدة الجزله من شاعر جزل

تحياتي لك

[سعود بن فرحان]

رابح الغضيان : كم حلمت ان تكون احد المتابعين لقصائدي . شكرا لتواضعك.