سم حالي بنت بدو ٍ تسكن الشرقيه

[شاعر البيتين]

سم حالي بنت بدو ٍ تسكن الشرقيه = كن الأرض تبوس خطوتها ليا مرتها
جادل ٍ من دونها البارود والجنبيه = بنت عز ٍ للمعالي رافعه رايتها
بنت قوم ٍ يكرمون الجار والطرقيه = عزوة ٍ واسعدها مادام هم عزوتها
حظ أبوها وأمها مادامها نشميه = ياعسى ماتنقطع عن ناظري جرتها
صورة ٍعندي لها في خافقي مخفيه = ماتخيل كيف أبا أوصف لكم صورتها
عن بنات اليوم تفرق كنها حوريه =في طهارتها وعفتها وفي عزتها
مترفه سنعه رفيعة شان وسعوديه =واهني الديره اللي تعتبر ديرتها
قدها فتان وعيون المها سحريه =روجها محظوظ مادامه على شفتها
بالبهاء والحسن والأخلاق والحنيه =ألف ماشاء الله عليها ماخذه راحتها
والغنج والطيش والإصرار والنديه =تستمد المترفه منهم سماء قوتها
والتسامح والحلا والزين والجديه =والرومنسيه ونظرات الخجل ميزتها
الغلا والعشق والوان الزهر منقيه =جيت اقدمها لها ياجعلني فدوتها
يابنات المملكه عندي لكم برقيه =تذكر اسم الله عليها كل من شافتها
ياعساها ماتشوف المعضله والسيه =وياعسى أبياتي ليا من جاتها سرتها

[هندي المقبل]

الله الله

شاعر البيتين الف مليون صح لسانك

نص شعري رائع جدا صورة لنا فيه قصه جعلتنا نعيش فصولها بهذا الوصف الجميل والكلمات الرقيقه

احساس شعري مفعم بالصدق والاحساس

تقبل اعجابي وتقديري

[سعد النفج]

الشاعر المميز / شاعر البيتين ..

صح لسااانك ..

نص جميل نقرأه من ابداعات ( شاعر البيتين )..

شاعر البيتين .. بل .. شاعر النصوص المذهله ..

دائما نجدك في قمة الابداع ..

و هذا النص ما هو إلا برهان على تواصل الروعه و الابداع ..

و التحليق بنا الى معالم المشاعر الصادقه ..

مذهل هذا النص يا شاعر البيتين ..

.
.
تقديري لك ..

[ماجد الغانم]

شاعر البيتين صح لسااانك ..ولاهنت

حضورمدهش

وشاعرية راائعة ...

ووصف مذهل



لله درك

دمت بكل خير ...وداام هذا الحضورالمتميز

تقبل خالص تحياااااااااااتي

[فهد السلقاوي]

قصيده رائعه من شخص اروع نتضر جديدك تقبل مروري اخوك
فهد السلقااااوي

[الصقار]

تميز وتصرف شعري رائع من شاعر مبدع

شـــ البيتين ــــــاعر

لك كل التقدير

[أبو غرام]

صح لسانك شاعر البيتين وعلا شانك
ابيات جميله

وبنتظار جديدك القادم