مع التحيه للشاعر/شاعر البيتين

[رابح الغضيان]

مع التحيه والاحترام للشاعر الجميل/شاعرالبيتين


ردٍ على اهداءه الجميل حيث قال:

ليه أسبوعين يارابح ملاحظ لي=شيء غريب ٍ ولايطري على بالي
من أول ٍ ناكر العشره يفض فض لي=واليوم ياصاحبي ماعاد يفضالي
قام يتأخر برده ويتميرض لي=هو كيف ياخوك هذا الوضع يرضالي
من عقب ماكان قبل أجيه يركض لي=مديت حبل الوصال وقطع حبالي
وليا طلبته طلب ماعاد يرفض لي=ويقولي أنت تامر أمر ياالغالي
ولايمشي الا على أمري ومن فضلي=مرات مر المذاق ومرة ٍ حالي
ولو ما أعترض له يجيني ويتعرض لي=أشغل هجوسي وتفكيري وجوالي

ورديت بهذه المتواضعه تقديراً لهذا الشاعر الرائع

نجمٍ سطع بالسماء عالي ويومض لي=وقفت احييه وارفع للفتى عقالي
حييت ياللي بطاروقه تهّيض لي=يشكي هواء صاحبه والحب قتالي
مالومك وماتعّرض لك تعّرضلي=والحب معروف بالاول وبالتالي
لو به قوانين تفرض لك وتفرضلي=مايشتكي قيس ليلى عظمه البالي
ولو به شجاعه وفتل اشناب والعضلي=كان اهتنوا فيه قومٍ تقطع الخالي
احذر من احباب أخفّض لك وخفّض لي=عشرة مصالح عسى مال امها والي
احرقني الوقت في فتله وينقضلي=واللي على بال رابح مادرى سالي
والفضل ياسيد سيدي لـ لله الفضلي=والناس ياصاحبي دايم مع التالي

وللجميع احترامي وتقديري

اخوكم:رابح الغضيان

[خلف الغريب]

رابح وشاعر البيتين ..

صوت وصدى جميلين من شاعرين هما اجمل ..

احذر من احباب أخفّض لك وخفّض لي ........ عشرة مصالح عسى مال امها والـي

صحت السنتكم ايها المبدعين ..
تشرفت بالمرور هنا .

[شاعر البيتين]

الـــــــــــــــــــــــلــــــــــــــــــــــــ ــه الـــــــــــــــــــلـــــــــــــــــه عليــــــــــــــــــــــك

وش أقول أقف حائرا هنا ............................... أقول مبدع ماتكفي ..................أقول رائع ماتكفي

أقول صح لساااااااااااااااااااااااااااااااااانك ملايين وسلمت بنااااااااااااااااااااااااااااانك بلايين


والأبداع قليله بحقك .................................................. .شاعرنا القدير





























تحياتي وتقديري

[شاعر البيتين]

المشاركة الأصلية كتبت بواسطة خلف الغريب

رابح وشاعر البيتين ..

صوت وصدى جميلين من شاعرين هما اجمل ..

احذر من احباب أخفّض لك وخفّض لي ........ عشرة مصالح عسى مال امها والـي

صحت السنتكم ايها المبدعين ..
تشرفت بالمرور هنا .

الله لايهينك مشرفنا وأستاذنا القدير خلف الغريب

فقدناك لك وحشه من طول الغيبات جاب الغنايم


شرفتنا في مرورك أستاذي





















تحياتي وتقديري

[**masha3el **]

صح لسانك شاعرنا الرائع بحق
الشاعر رابح الغضيان
معزوفه رائعه
صوت وصدى فني عذب
وتحيه للشاعر شاعر البيتين لان قصائده اثبتت كفاءته كشاعر مميز
تقبل اخي الكريم جل تقديري واعجابي
دمت بخير

[نافع عيد الجديد]

لاهنتم جميعا على الابداع الغير مستغرب

لكم الاحترام والتقدير

[سعود المسعودي]

رابح وشاعر البيتين ..

صوت وصدى جميلين من شاعرين هما اجمل ..





دمتم بود