((( الطــــــــائيه ))) - °~*¤®§(§ شبـــكة ويــلان العـربـيـه §)§®¤*~ˆ°

**محمد المغيلث** · 05/01/09, (04:32 PM)

اخواني هنا في منتدى الويلان

الى

يحق للطائي ان يتغزل بطائيته في مضارب ال وائل ابن ربيعه

وعمر ابن كلثوم

اذن فاسمحو لي آل وائل ولن اقول متواضعه

ليس غرور مني ولكن القصيده المتواضعه لايحق لصاحبها ان يطرحها

في مضارب الويلان فهم احفاد من هلهل الشعر وقاله

___________________

الله واكبر شيـن ضيق جانـي=من خفرتن شفته كما الحوريـه
زول لمحته بالصـدف لاقانـي=عقب الظهر مرت قبل عصريـه
هي من جبل شمروشكله ثانـي=عسلوجة تزهى البني فـي زيـه
طائية حـازت علـى وجدانـي=واستاخذ الخافق علـى الطائيـه
هي مهرة شقراء وبنت احصاني=بنـت ولا كـل البنـي منقيـه
ياليت هالخفره مـن الجيرانـي=اوليتها مـن عزوتـي مسميـه
اشكي عليك الحـال يالبدرانـي=مستاخـذن ومكبـلات ايـديـه
هات الحلول الي بهـا نقذانـي=وش حيلتي ياراعـي الصينيـه
ابن مغيلـث يشتكـي ولهانـي=عطني من اعلومك وصوف الهيه
مانـي بغزايـن ولا قومـانـي=امـل وجاهـك ياطنـخ حربيـه
دفيتها من شـان عـود البانـي=وامليت مابي بابجـد الحرفيـه
لاعـل ياتينـي ومـا يدرانـي=من راس قومن يدرك الجاهيـه
واخر كلامي شين ضيق جانـي=من خفرتن شفته كما الحوريـه

-----------------

للـــــــــــــجميع تحياتي وتقديري

[/quote]

**نافع عيد الجديد** · 05/01/09, (06:38 PM)

صح السانك ملايين

ابداع يعانق السماء

تقبل احترامي وتقديري

**ماجد الغانم** · 05/01/09, (07:38 PM)

الغاالي

محمد المغيلث

ياهلافيك ...وحياااك الله بين أخوانك

وصح لساااانك ..ولاهنت

على هذه القصيدة الجزلة

والله يحقق منااااك ...ويكون بعونك

رااائع بكل حالاتك

دمت بكل خير ...وداام هذا الحضور الراااقي

تقبل جل تقديري واحترااامي

**حمد الخمعلي** · 05/01/09, (10:50 PM)

محمد المغيلث

سلمت ودمت 0

والله يحقق لك مناك00

**تركي صالح** · 06/01/09, (09:09 AM)

هلا بك اخونا / احمد المعيلث

وحياك الله يالغالي

واحفاد وائل بن ربيعه

يرحبون بك وبأبداعاتك المميزه بأي وقت

صح لسانك وسلم بنانك

وعسى الله ينولك مرادك

دمت وسلمت

وتقبل خالص التحايا

**خلف الغريب** · 06/01/09, (10:30 AM)

الغالي محمد المغيلث..

وما اجمل هذا الغزل الطائي ولا تنس ان الشاعر يقول :

عراقية الاطراف طائية الحشى ... حجازية العينين شامية الفمِ

ونعم فيك وفي من اسندت له القصيدة وشكرا لحضورها بيننا ..

منتدى ويلان يفتح ذراعيه للابداع دوما ..

تحياتي..

**جبار بن عابر** · 06/01/09, (10:39 AM)

الشاعــر / محمد المغيلث

صح لسانك