ياوجيه ذلٍ على الشاشات مرزوزه - °~*¤®§(§ شبـــكة ويــلان العـربـيـه §)§®¤*~ˆ°

**الجوكر** · 01/01/09, (01:58 PM)

الشاعر القدير

نايف بن عريول

استطاع أن يخرج بعض مما في صدور العرب بهذه الباذخه....

جرح ٍ تمركز بوسـط الجـاش وابتـزه
واضهر فرايـد لهـا عاميـن مكنـوزه

ماتت وجيـه الرجـال وماتـت العـزة
واجتاحنا الـذل واعلـن للمـلا فـوزه

يا اهل المناصب وش اللي صار في غزه
يا وجيه ذل ٍ على الشاشـات مـرزوزه

شـي ٍ يوقـع بوسـط القلـب ويحـزه
مشاعر الناس مـن ماصـار مهـزوزه

قنابـل ٍمـن سماهـم مالـهـا حــزه
ماجت على اهـداف معنيـه ومفـروزة

يقتلبهـا اللـي بمهـده وامـه تـهـزه
ويقتلبها اللـي عـدل ممشـاه عاكـوزه

جمع الجنايـز مثـل تجميعـة الجـزه
على بعضهـا جثـث النـاس مكـزوزه

رمح اليهودي بوسـط صدورنـا غـزه
وحنا عجزنـا نشيـل الرمـح ونهـوزه

اجيوشنـا فـي قبـال الضـد منـهـزه
وفينا الخطايا لضلـم الوقـت معنـوزة

ياواهـي العـذر عمـر العـذر مانـزه
خرايـط الـذل قـدم العيـن مقـزوزه

من حـرك الجيـش قـل بالله مـن دزه
من سكت الشعب قلـي واحكـم قـزوزه

بالله منهـو يـوز الـنـاس مــن وزه
عسى الغنايم عقـب ماصـار محيـوزه

دور السفارات وسط العرب مـن عـزه
خـلا للأوغـاد وسـط ديارنـا حـوزه

مافيـه داعـي نفضـح فيـه ونـلـزه
بعض العبـارات فالأعـلام محجـوزه

ماتت وجيـه الرجـال وماتـت العـزه
ياوجيه ذل ٍ على الشاشـات مـرزوزه

**هبوب العنزي** · 01/01/09, (02:19 PM)

ماتت وجيـه الرجـال وماتـت العـزة
واجتاحنا الـذل واعلـن للمـلا فـوزه

يا اهل المناصب وش اللي صار في غزه
يا وجيه ذل ٍ على الشاشـات مـرزوزه

انا اشهد ان البيتين هذولي تعتبر قصيده كامله صح لسان الشاعر..

الجوكر متميز حتى بالاختيار تقديري..

**رابح الغضيان** · 01/01/09, (02:33 PM)

اختيار رائع من انسان مميز ورائع

الجوكر مافيك حيله يالغالي

صح السان الشاعر

وهذه الحقيقه المره

تحياتي لك ياذوووووووووق

**الصقار** · 01/01/09, (02:45 PM)

الى صاحب االقلم الذهبي -مع التحيه
يسعد جميع اوقاتك

اختيار مميز تسلم على النقل

وصح لسان شاعرها الرائع--نايف بن عريول

تقبل تحياتي

**الجادل** · 01/01/09, (02:49 PM)

ماتت وجيـه الرجـال وماتـت العـزه
ياوجيه ذل ٍ على الشاشـات مـرزوزه

صح لسان الشاعر

قصيدة حاكت الواقع التعيس
والذل الذي نعيشه

الجـــــوكر

ليس بغريب عليك هذا الذوق

دمت بحفظ الرحمن

**جبار بن عابر** · 01/01/09, (02:52 PM)

اختيار موفق

شكرا لك اخي الجوكر

وصح لسان ابن عريول ..شاعر قدير

**سعود المسعودي** · 01/01/09, (06:41 PM)


	نص شامخ وأبيات عانقت الأبداع صح لسانك ولسان شاعرها مدد بلا عدد ولاهنت يالجوكر اختيار موفق دمت بخير