راس الجبل ماينحي للعفاريت = لو تلقفه كل الجنون المريده

[مسعد النافل]

شعراء ويلان الكرام اسعد الله اوقاتكم با المسرات
يسعدني ان اضع هذا النص بين ايديكم

إن جيت ابكتب عن سواياك صديت = حرام مثلك تنكتب به قصيده
قالو حرام الضرب في جثة الميت = ارفع مقامك ياعزيز البديده
قلت الحقيقه ياملا عنه كفيت = لو كان ناوي لي يدبر مكيده
لقيت بصماته بجنب الكباريت = وطفيت ناره قبل شب الوقيده
راس الجبل ما ينحي للعفاريت = لو تلقفه كل الجنون المريده
ذيبه يضيعها مع القاع تشتيت = ومن زام منهم لتحربث يصيده
وصقره يجيب الي تبارن مفاليت = يجيبها لو هي بعينه بعيده
لا والذي لجله بدنياي صليت = رب الملا علام خافي عبيده
اني مع الصاحب فلا يوم كنيت = مواقفي بين الشوامخ شهيده
مخلوق عادي بامر ربي تعليت= مخلوق من طيب الجدود الاكيده
والله مانرضى على الطيب تفويت = با الدم يجري مثل حكم العقيده
وان كان عن ماضي زماني تناسيت = ابقى فقيده عند من هو فقيده

[الصقار]

مسعد النافل

الله يسعد مساك

وصح لسانك وسلمت يمينك....... نص راقي ..من رقي كاتبه

تحياتي

لقـيـت بصمـاتـه بـجـنـب الكـبـاريـت
وطفيـت نـاره قـبـل شــب الوقـيـده
راس الجبـل مــا ينـحـي للعفـاريـت
لــو تلقـفـه كــل الـجـنـون الـمـريـده
ذيبـه يضيعـهـا مــع الـقـاع تشتـيـت
ومــن زام منـهـم لتحـربـث يـصـيـده

[نافع عيد الجديد]

قصيده جزله من شاعر جزل

صح السانك ملايين

[عليا الشمري]

إن جيت ابكتب عن سواياك صديـت
حــرام مثـلـك تنكـتـب بــه قـصـيـده
قالو حرام الضرب فـي جثـة الميـت
ارفـــع مـقـامــك يـاعـزيــز الـبـديــده
:
:
شعر ومعنى راقي .. من سمو شخص راقي
ألف صح لسانك أخوي مسعد وطا فالكـ
تقديري لكـ
:
:

[سعد النفج]

مخلـوق عـادي بـامـر ربــي تعلـيـت=مخلـوق مـن طيـب الجـدود الاكيـده
والله مانرضى على الطيـب تفويـت=بـا الـدم يجـري مثـل حكـم العقـيـده
وان كان عن ماضي زماني تناسيت=ابقـى فقيـده عنـد مـن هــو فقـيـده

.
.
.
مسعد النافل

صح لسانك

مبدع كما تعودنا منك..

تعليت بهذه الشامخه أصول الكلمات ..

شاعر مميز وله اسلوب مميز و معامله مميزه..

[ماجد الغانم]

الغااالي

مسعد النافل

صح لساانك ...

وبيض الله وجهك على هذا الحضور الجزل

قصيدة ..شااامخه بشموخ شخصك


كفو والله .....

دمت بكل خير ...وداام هذا التميز

تقبل جل تقديري واحترااامي

[بدرفهد الجعفري]

لا والـــذي لـجـلـه بـدنـيـاي صـلـيـت ==رب الـمــلا عـــلام خـافــي عـبـيــده
انـي مـع الصاحـب فـلا يــوم كنـيـت ==مواقـفـي بـيـن الشـوامـخ شهـيـده
مخلـوق عـادي بـامـر ربــي تعلـيـت == مخلـوق مـن طيـب الجـدود الاكيـده
والله مانرضى على الطيـب تفويـت == بـا الـدم يجـري مثـل حكـم العقـيـده
وان كان عن ماضي زماني تناسيت ==ابقـى فقيـده عنـد مـن هــو فقـيـده

الشاعر مسعد النافل

كفو والف نعم

صح لسانك على هذا النص الشعري المميز