أخــــــي الــــحرامـــي ... جديد خلف المشعان

[أمير بكلمتي]

يلي سرقت سبير فيصل وهجيت = وش لازمك كسر الزجاج الأمامي
ليتك قبل تسرق على الباب دقيت = وقايل لنا يالربع معكم حرامي
اقسم قسم بالله لقول حييت = وأعطيك كل ألي تبيه بسلامي
أنا احسب أني سالماً يوم شديت = طلعت من غبشه وطحت بظلامي
عز الله أني بمنزلي ماتهنيت = بمراقبتهم صار كل اهتمامي
ماني بنجد الظاهر أني بتكريت = يعيني يلي ما تنامين نامي
دام الحكومة نايمه لو تشكوين = وش فايدة شعري وكثرة كلامي
باقي لنا نوظف سكرتي على البيت = أو أني أعلن لسروق احترامي
أخي الحرامي لو تكرمت لجيت = خذ ما تبي من غير تكسير جامي

تقبلوا تحياتي / ابو قمر

[خلف الغريب]

مبدع هذا المشعان حتى مع الحرامي..

الله يكفينا شر الحرامية ..


شكرا لك ابو قمر...

[جبار بن عابر]

خلف المشعان

أنا احسب أني سالماً يوم شديـت =طلعت من غبشه وطحت بظلامـي

صح لسانك

[سعود المسعودي]

امير بكلمتي

اختيار اكثر من رائع


خلف المشعان

أنا احسب أني سالماً يوم شديـت =طلعت من غبشه وطحت بظلامـي

صح لسانك

[فهد السلقاوي]

صراحت((ن)) قصيده ابداع ل الشاعر الكبير خلف مشعان ونتمنا المزيد