لو...الرجاله بالمتر والمقاييس

[رابح الغضيان]

احبائي اعضاءوزوار هذا الصرح الشامخ بكم
إليكم هذه المتواضعه أمل أن تنال رضاكم

وكل عام وانتم بخير

يالله ياعالم خفي الكواليس=تزيل همٍ بين الاضلاع لاسي
همٍ على قلبي بنا له متاريس=والصبر ما ينطاق والوقت قاسي
وعجزت اميز سهلها والتضاريس=تشابه الاشكال عندي سواسي
من خلقتي وانا اسمع بلقطة غليس=ودارالزمان وجابها فوق راسي
ياطير ابن برمان وش جبت بالكيس=وش جبت لي ياطير وسط الكياسي
مايشفي المرضان قولتك لا بيس=ولاينخدع راع الذهب بالنحاسي
والنار ماتشعل بليا مقابيس=والبيت ما يعمر بدون الاساسي
رمت بي ايامي بهيسٍ ولد هيس=الصحبه اللي من سببها انتكاسي
كنت احسبه من كاسبين النواميس=اللي على الطولات والعز راسي
غرتني الكشخه وزين الملابيس=وخدعني الديكورخلف اللباسي
لو الرجاله بالمتر والمقاييس=عزالله كتوفه تهز المقاسي
بالكذب والهذره بنا عرش بلقيس=وإلاالحقايق غير صفة كراسي
يذبح ويصلخ في زمان المتاعيس=بفلوسه اصبح شيخ نسل الهلاسي
مظهررجل والخافي ألعن من ابليس=وابليس ملعون النسب حيل خاسي
همه يسافر يم لندن وباريس=ويرجع لنا(بربطه)وكعب المداسي
ويقلد اخته بالعيون النواعيس=إلا ويقلدها ببعض اللباسي
تشبهوا بالغرب بابا وقسيس=الله يستر ماتعمر كناسي
والعشره اللي مثل صحبتك يالهيس=احسن تفارق قبل تجرح احساسي

أخوكم:رابح الغضيان

[الصقار]

المبدع \رابح الغضيان

صح لسانك \
دائما مبدع ولاهي غريبه من شاعر جزل بقامه رابح ..
دمت لنا ... ...ودام هذا التميز ...

تقبل جزيل احترامي وتقديري

[عادل العايش]

شااعرنا الكبير

راابح غضياان

صح الله لسانك
قصيدهـ شاامخه
تحمل في سطورهاا موااقف وأجوااء عااشها الجميع ولم يترجمها لصعوبة الوصول لتلك الترجمه اللتي لايستطيع لها الى المبدعون

فأنت مبدع أخوي راابح

تقبل مروري

دمت بخير

[ماجد الغانم]

الأخ العزيز

رابح الغضيان

صح لسااانك ..ولاهنت

قمة التميز ...واصدق الأحاسيس عانقتنا بهذه الباذخة والراائعه

سبق ان تشرفت بسماااعها ولا زال صدها العذب مستقراً بأذني

لله درك ياأبا هيثم ...كم يجذبني ابداااعك بكل صرااحه

سجل اعجابي بشخصك الكريم اولاً وبإبدااعك المتواصل

دمت بكل خير ..وداام هذا التميز والأبدااع
تقبل خالص تحياااتي

[بدرفهد الجعفري]

شاعر استطاع ان يصوغ مثل هذه القصيده لا يأتي بالمتواضع ابدا

رابح الغضيان لاتقيم قصيدك مره ثانيه لانك ستظلمه اجعل الجمهور هو من يقيمك

لانك فعلا رائع بهذه القصيده الجزله

صح لسانك

[هاوي]

دائما وانت كذا يارابح

مدري ليه ماتتوب ..؟؟؟





؟






؟




؟




؟



؟


؟

دائم مبدع .... صح لسانك

[عليا الشمري]

لو الرجاله بالمتر والمقاييس
عزالله كتوفه تهز المقاسي
بالكذب والهذره بنا عرش بلقيس
وإلاالحقايق غير صفة كراسي
يذبح ويصلخ في زمان المتاعيس
بفلوسه اصبح شيخ نسل الهلاسي
مظهررجل والخافي ألعن من ابليس
وابليس ملعون النسب حيل خاسي
:
:
وما أكثر أشباه الرجال ياسيدي الفاضل !!
ولكن لازال هناك من الرجال من نفخر بهم مثلك وشرواك..
رابح الغضيان أخي وشاعرنا النقي
مبدع وربي مبدع ... ولا جديد في ذلك
صح لسانك حد الرضا ودمت بخير
تقديري
: