مرثية سعدون العواجي بابناءه

[سليمان الجعفري]

مرثية سعدون ابن سليمان العواجي بابناءه عقاب وحجاب

بيبان قلبي والضماير عوني = اعواي مع ماضي سبيب الربابه
اعوي عواء اللي يوم يقنب يوني = ذيب تعاويه الضواري بلابه
في راس مرفوع الحجا يقنبني = تجاذبن الصوت رمل الذيابه
اناعويت ومثلهن قمت اوني = عزي لمن عكف الشوارب ذهابه
زمل المحامل بلمهامه غدني = وانا بعد من عرض جملة حسابه
قصيتهن حتى انهن حودرني = مع جال مايرجع ذهيباً غدابه
لا والله الا ليثها غاب عني = ماعاد يرجع ليثها من غيابه
اقفا الرجاء وامال حضي هفني = والياس عندي راجناتاً ركابه
الخوف عقب العز حبله مكني = تحطمت عقب العقاب المهابه
ايامها وسنينها خسرني = ليثً يجندل مقحمين الحرابه
صوته ذعار مشمراتً تعني = درع المتلي والصوافن تهابه
سيفه بهامات العدا مايوني = ان جاء نهارً طال واظلم ضبابه
الموت سحبه رودمن وارعدني = وارزم خياله يوم رودم سحابه
رجف الحوافر بالفوارس يرني = والسيف يصرخ بالجماجم ذبابه
اليا برز له فارس مايثني = صاحن عليه ملويات العصابه
يشهد على ماقلت ريع المغني = وتشهد على قولي شوامخ هضابه
وتشهد بواعة والقرى يشهدني = ورمان يشهد والعماير وطابة
يرمس على الموت الحمر مايكني = حبس بحومات الوغى يلتجابه
من عقب ماني دالهً مرجهني = البين ياماضي قضعني بنابه
غزو الندامة سرد خيله وطني = ركز بلاه وجاحنبي صوابه
العام نجمي مطربينه تغني = واليوم عبرات الروابع هبابه
عقاب شالته المقادير مني = لو صحت مايرجع علينا جنابه
البيض تنعى والعشاير تحني = عليك ياسبعاً عرينك بغابه

[الصقار]

سلمت اخي...... .سليمان
على نقل هذه القصيده
وشكرا على اهتمامك ..ومشاركاتك الطيبه في هذا المنتدى ..والتي تثري معلوماتنا

فجميع مشاركتك مميزه
وهذا يدل على تميز كاتبها

بيبان قلبي والضماير عوني
اعواي مع ماضي سبيب الربابه

رحم الله الجميع
تقبل تحياتي وتقديري

[سليمان الجعفري]

شكراً ابن هندي

على مرورك العطر الله يعطيك الف عافيه

لاهنت يالبناخي

تقبل تحياتي واحترامي

[هندي المقبل]

اخي سليمان الجعفري

شكرا لك على نقل هذه القصيده التي تعتبر من اعلام الشعر ومن اهم القصائد التي قيلت في الرثاء

شكرا لك

[البدر]

شكرا لك على الاختيار الجيد

ونتطلع الي المزيد

[سليمان الجعفري]

هندي المقبل

تحيه طيبه تفوح بريح المسك والعود والكادي

على مرورك الطيب الله يعطيك الف عافيه

تقبل تحياتي واحترامي

[سليمان الجعفري]

البدر

الله يعطيك الف عافيه على مرورك الطيب

تقبل تحياتي واحترامي