"بندقك"..فعلك..والمواقف "نياشين"..

[مصلح النشمي]

.



السلام عليكم واسعد الله اوقاتكم بالمسرات..


لقلوبكم الطاهرة النقية..

ولأخي الذي لم تلده أمي (مزيد المزيد)..

اهدي هذه المتواضعة..واتمنى ان تحوز

على رضاكم..
.

"بندقك" فعلـك والمواقـف "نياشيـن"=اما تصيـب الطيـب.. ولا سمـاوي
يوم ان غيري"بندقـه" فعلهـا شيـن=امدهـا ... ولا تخيـب الهـقـاوي
.=.
قم يانديبي حـرك الجيـب هالحيـن=واحذر على الموتر وانا اخوك تـاوي
خل الذي براسي يطب الوعـر ليـن=صـم الصخـر يفتهـا بالنـخـاوي
.=.
ابيـك تاصـل واحـد عـن ثلاثيـن=هو (مزيد المزيد) زبـون الجـلاوي
قله ترانـي ماشكيـت الزمـن ليـن=شفته على الطيـب كثيـر البـلاوي
مايضحـك إلا للـنـذل والرديـيـن=والا علـى الطيـب ظلـوم وغـاوي
.=.
ياشين غلطـات الرجـال الحشيمـن=اللي بهم فعلي مع الوقـت ضـاوي
اشره على اللي يعدلـون الموازيـن=ولا الـردي مانـي لعدلـه رجـاوي
.=.
(الأجنبي) طيبه علي..يُعتبـر ديـن=وإلا (ابن عمي) واجب..ان كان قاوي
.=.
كم شلت رجال وانا اخـوك بالعيـن=و(مطيح دمعه) طاح وقت العـزاوي
وياكثر ما رزيـت نـاس مساكيـن=وشفهم لطيحاتـي مشـو بالمنـاوي
وان طيحوني (بطيبتي)و(جانب اللين)=من فضل ربي يوم اطيـح امتسـاوي

وسلامتكم

[الصقار]

(الأجنبي) طيبـه علي..يُعتبـر ديـن
وإلا (ابن عمي) واجب..ان كان قاوي


صح لسانك ....دائماً مبدع اخوي مصلح النشمي .....

ابيـك تاصـل واحـد عـن ثلاثيـن
هو (مزيد المزيد) زبـون الجـلاوي


والنعم بالاخ مزيد المزيد ....ويستاهل المدح

تقبل مروري واعجابي بهذه الشامخه

[ماجد الغانم]

الشاعر القدير

مصلح النشمي .....

صح لسااانك ....ولاهنت

وبيض الله وجهك ......

قصيدة وافيه ....

وهكذا عهدناك

وان شاء الله انك ما تطيح ابد ....

وتبقى شامخأً ....


دمت بكل خير ...ودام هذا الشموخ والتميز

تقبل خالص تحياااااااااااااتي

[طلال الايداء]

صح الله لساانكـــ

ملايين
اخوووي مصلح ونعم فيك ونعم في اخوووي مزيد

واكبر فخر لنا كاااقبيله ان نرااى مبدعيين امثاااالكــ

وفي انتظااار جديدكـ باااذن الله

اخوكـــ طلال بن سعود الايــــــــــداااء

[رابح الغضيان]

هلا وغلا بسندباد الشعر/اخوي الغالي مصلح النشمي....

لاغرابه الشامخ مايأتي إلابشامخه
صح السانك والشاعر مزيديستاهل.....

ولاتضايق ياابن العم ترى بس الردي بعيدعنك اللي حياته مثل حياة اخته اسهودومهود
وإلا الطيب شرواك دائما يواجه صعوبات

تحياااتي لك يالغالي....

[م. ماهر الصقري]

وان طيحوني (بطيبتي)و(جانب اللين)
من فضل ربي يوم اطيـح امتسـاوي


صح لسانك يامصلح ونعم فيك وفي الشاعر مزيد

رائعـة وجزالة وحنكـة لايقدر عليها إلا شاعر كبير

دمت سالـم

[خلف الغريب]

الرائع والشاعر الانسان سندباد الشعر عمر غربي

الف صح لسانك ولا يسدون يا ابو فيصل ...

شامخة من شامخ وقصيدة عن ألف..

وأسندتها لمن هو كفو لها اخونا الاكبر مزيد المزيد الذي نتمنى من الاعماق ان نقرأ رده على هذه الشامخة هنا ....

دائما الطيبون والنبلاء يتعرضون لمكائد من أعداء الطيب والنبل لكن القافلة تسير ....

ثق تماما انك اذا طعنت من الخلف فاعلم انك في المقدمة والنجاح يقاس بكثرة الحساد..

لا اريد ان اظلم القصيدة باقتباس بيت دون آخر فكلها درر في سلك نظمها مصلح النشمي كعادته في سبك قصائده ..

تقبل تحياتي ..