مصافحة اولى .. دام القبايل سوت جموع وصفوف.. - °~*¤®§(§ شبـــكة ويــلان العـربـيـه §)§®¤*~ˆ°

**محمد العاند** · 02/08/08, (06:14 AM)

بسم الله الرحمن الرحيم
يسعدني ويسرني ان اهديكم هذه القصيده وهي المصافحه الاولى

دام القبايل سوت جمـوع وصفـوف=حنا هل الوقفـات واهـل الشجاعـه
يومنهـا بالخيـل ودروع وسيـوف=يشهـد لنـا تاريخنـا باتسـا عــه
مثل البحر لاجاك طوف على طـوف=قطع شـراع اللـى تعلـى اشراعـه
الوايلي طبعه مـع النـاس معـروف=فيـه الحميـا والـكـرم والقنـاعـه
ياقف لون اعداه صفوا له اصفـوف=دايم يجـي متبـوع ماهـو اتباعـه
نظراتنا اكبر مـن الحلـم والشـوف=وصدورنا صـوب السمـا بارتفاعـه
الله خلقنـا مابنـا كلمـة الـخـوف=مثل الاسـود الـي تعشـا السباعـه
من الكويت الى المنامه الى الجـوف=الى الرياض الارض تشهـد وقاعـه
هذا وانا ما اصنف النـاس بصنـوف=كلن على مـا قيـل حامـى متاعـه
وعسى السحاب الي نشا مزن مردوف=يسـوقـه الله سـوقـةٍ باندفـاعـه
وينزل مطرها فوق ربعي بلا وقـوف=حتـى يصـدر لزبيـدي بضـاعـه
من شاعرن تاقف له حروف وحروف=ياخذ من الجـزلات صاعـه وباعـه

**خلف الغريب** · 02/08/08, (06:19 AM)

محمد العاند الفقير...

اولا يسرني ان ارحب بك في مجلسك بين اخوانك وابناء عمك عيال وايل الذين يسعدون بمصافحة مثل نصوصك الفاخرة ...

قد لا يكون محمد العاند معروفا ولكن الشعر الحقيقي يعرف محمد العاند والجزالة تعرف محمد العاند..

اهلا وسهلا بك وبإطلالتك الأولى التي تبشر شبكة ويلان بانضمام احد فحول شعراء عنزة لها ...

كفو وصح لسانك وبيض الله وجهك ولا هنت على قصيدتك ..

فعلا .. حنا هل الوقفات واهل الشجاعة ...

نظراتنا اكبر مـن الحلـم والشـوف
................وصدورنا صـوب السمـا بارتفاعـه
الله خلقنـا مابنـا كلمـة الـخـوف
..................مثل الاسـود الـي تعشـا السباعـه

تحياتي محمد....

**الصقار** · 02/08/08, (11:47 AM)

من شاعرن تاقف له حروف وحروف
ياخذ من الجـزلات صاعـه وباعـه

كفو ,,.محمد حياك الله ,,قصيده جزله من شاعر جزل....

تقبل مروري واعجابي بهذه الرائعه

**ماجد الغانم** · 02/08/08, (12:40 PM)

محمد العاند

ياهلا فيك ....وحيااااااك الله

تشرفنا بإنظمامك الينا ...

وكم نحن متعطشين لأبداعك

فاأهلاً بك

وصح لساانك على هذه المصافحه الرااقيه

لله درك ..وبيض الله وجهك

دمت بكل خير ..ودام هذا الحضور الراائع والجزل

تقبل خالص تحياااااتي

**راعي سميراء** · 02/08/08, (03:50 PM)

حياك الله وبياك اخوي الغالي | محمد

وكفو ونعم بشاربك

صح لسانك على الجزالة

لاهنت

**سعود المسعودي** · 02/08/08, (08:10 PM)

محمد العاند

ياهلا فيك ....وحيااااااك الله

تشرفنا بإنظمامك الينا ...

وكم نحن متعطشين لأبداعك

وصح لساانك على هذه المصافحه الرااقيه

دمت بود وخير وعافية

**محمد الدلماني** · 02/08/08, (11:16 PM)

نظراتنا اكبر مـن الحلـم والشـوف
وصدورنا صـوب السمـا بارتفاعـه

الشاعر الكريم محمد العاند

اهلا وسهلا بك في شبكة ويلان العربيه وابرك الساعات وجود وتشريفك وصح لسانك على هالابيات الجزله