طحتي من عيني .. تأليفي

[عزوز الفدعاني]

بسم الله الرحمن الرحيم .

السلام عليكم ورحمة الله وبركاته ..

أخواني وخواتي الكرام .. أسعد الله أوقاتكم بكل خير وسعاده ..


أحبتي الكرام ..

كل شخص منا وله تجربه في (( الحب )) ..وبعد تجربة كتبت هذه الابيات فيها ..


خلاص طحتي من عيني ولا ابيك ..
روحي للي خذا قلبك عسى الله يهنيك...
يكفي خيانه ولا تجيني ولا اجيـك ..
خلاص لا عاد تطريني ولا اطريــك ...
ياما عطيتك وياما كنت ابعطيك ..
روحي عسى المرض يجيك ويعميك ...
تخطين مره واجيك واراضيك ..
خلاص مابيك ولا ابي ابد طــاريك ...
ياللي ذبحتي القلب بصدك وتغليك ..
انتي حرام الواحد يعزك ويغليك ...
أنا تعبت منك ومن تــعــاليـك ..
خلاص طحتي من عيني ولا ابيك ...


وياليت يا اخواني وخواتي .. إذا يوجد بهذه الابيات خلل .. ياليت انكم تخبروني به .. لكي يتم تعديله ..


تقبلوا احترامي وتقدير ..

[الصقار]

اترك التعليق على القصيده ..............لاكن اهديك هذه القصيده لشاعر لااعرفه

لا صار خـلـّـك مستحق المسـبـّــة
سبـّــه ترى العشــاق غيرك يسبــّــون
لا آبوه لا آبو الحب من قلب سبـّه
لا آبو الغرام اللي يحدّك على الهــــون
يا لعن أبو قلب غشيم يحـــبـــّــه
ملعــون والقلب اللي يغـليه ملعــــــون
أقول من هبـّــاك يا خبل هبـّـــــه
الدون ما يســلك معــاهم سوى الدون
عزّ الجفا ولا هـــوان المحـــــبة
مآخوذ من يصـــبر على الذل مغـبــون
أظهر قواة البـأس والضعف خبـّــه
ترى الضعيف ضعـــيف لا طعـــم لا لون
الرأس ما أحــد يقطــعه غير ربـّــه
أقول عزّ النــفــس ما أقول لك هـــــون
خلـّــه يولـّــي لا يذلـّــك بحبـّـــــه
أبعـــد وتلــقــــاهم على البعـــد يدنـــون
وإلا أنت لو ترقـــد وبالعين شبـّــة
أبرك من الـلــي يجرحــونك ويســـــلون
يا جــاهل إفهـــم خذ من العلم لبـّــة
إصــبر وتـنــســـى والعذارى ينــســّــون
الرجل عـقــله دائماً قــبل قـــلبــــــه
مـاهو عمــى بالقلب ومفــتـّــح عيـــــون
لا قدّمــوا حبـّــة تقدمت حبـّـــة
وإن وخـّـروا وخرت والعــز مضمــون
ترى غلا هالوقت هبـّـة وهبـّـة
إغـنم هبـــوب الريــح لا تقلــب سكـــون
لا ساعدك حظـّـك تغـانم مهبـّـه
لا تـرتهـــي يـجـيــــك يوم ويــصـــــدّون
قبل يذبـّــك ناب الأرداف ذبـّــه
ترى حلاة الرجـــــل طـــاعن ومـــطـعون
كم عاشق خلـّـوه من غير سبـّـه
يصفق بكــف كف ما يــدري وشـــــلون
ما له جدى يا كــود دمع يكبـّــه
عليه سيف الهــجــــر والصــد مسنــون
هـــذا مـن أول يـــوم لو دلّ دربــــه
ما دشّ في دنيـــا المجــانين مجــنون
لـكـن تـبـــع قـلبـه وقـلبــه لعـب بـه
واليوم يبــغى عون ما حصـّـل العــون
روّض فؤادك يا إبن الأجـواد ربـّـه
البيض ما يصــلح لهــن كـود فرعـون
وإلا ضعـــيف النفس دايم مسبـــّـة
ودّك مســـاكين البشــــــر ما يحبـّـــون.

[**masha3el **]

الفاضل عزوز
صح لسانك ابياتك فعلا تدل على تجربه مش لهناك
اما التعليق نتركه للي عندهم خبره

ابن هندي صح لسانك

[محمد الدلماني]

اعتقد ان هناك خلل في الوزن وهذا دور شعراء ويلان ليقدمو لك النصح الافضل

[ابن ريحان]

عزوووووووز يعطيك العافيه

وآخر تجربه ان شاالله واترك التعليق لأخواني الشعراء الأكثر خبره


وانا ابي اقولك بيت اخترعته لك طازج هالحين

لاصار خلك خاين ابعد وخله.........خله وتلقى بالهوى من يسليك

تقبل مروري
دمت بخير
,,,,,,,,,,,,,,,,,,,,,,,,,,,,,,,,,,,,,

القدير ابن هندي

يعطيك العافيه

[فهد الشافي]

عزوز الفدعاني صح لسانك

والتعليق للنقاد

[حمد الوايلي]

يعطيك العافيه حاول مره اخرى بنصك لانه يحتاج الى وزن والى تغيير بالقافيه لتكرارها الملل اتمنا انت تتقبل النقد لان المجامله لاتفيدك وحاول مره اخرى ستنجح مع مراجعت دروس بالوزن والتركيز عليها وقد نشروها الاخوان ارجع لها تفيدك والتطور بالشعر ياتي تدريجيا
تقبل تحياتي وشكرا