طفلة الخافق - °~*¤®§(§ شبـــكة ويــلان العـربـيـه §)§®¤*~ˆ°

**ابن ريحان** · 28/07/08, (07:03 PM)

سر ياقلم واكتب على صفحتي نص=اكتب تفنن في خطوط الرساله
سرياقلم واكتب من محب مخلص=لغلى حبيبه تستحق الرساله
من شاعر(ن)لعيونك الشعر مختص=تضمي بيوته لين مد الرشا له
يكتب لك بيوتن ورى بيوت ترتص=ترسمله الصوره بواقع خياله
من طفلتن قصت حشى مهجتي قص=قلبي عشقها والطفل مادراله
مزيونتن والزين يعرف ويبخص =بس القمر يمكن يشابه جماله
لياتمايل كن خده قمر نص=ولياعتدل كل القمر بكتماله
لاراح قلبي بين الاضلاع يقفص =كنه سجينن حاكموه العداله
بقضيتن ماله ورى حكمهاخص=مسجون دم وزاده السجن عاله
باقي ثمان ايام وينفذالقص=مافيه غيره حل هذامناله
وليارجع مابين الاضلاع يرقص =قلبي وعوّد كل شي لحاله
وارجع واكتب له من محب مخلص=لغلى حبيب(ن)يستحق الرساله
وقله ترى روحي وقلبي فدى شخص=ولياتغلى واجد اللي بداله

**ماجد الغانم** · 29/07/08, (03:29 AM)

الغالي بن ريحان اسمح لي بتنسيق القصيده .....................
.........
.

ابن ريحان

صح لسااانك.........ولاهنت

قصيدة رااائعه بالفعل ........

واحساس شعري جميل ورااااااقي

دمت بكل خير ........ودام هذا الحضور الرائع

تقبل خالص تحياااااااتي

**جنون الحلم** · 29/07/08, (08:56 AM)

سلم نبضك
لاهنت نص رائع بالتوفيق وننتظر المزيد
اختك جنون الحلم

**عليا الشمري** · 29/07/08, (11:59 AM)

لاراح قلبي بين الاضـلاع يقفـص
كنـه سجينـن حاكمـوه العـدالـه
:
قمة الأحساس والجمال هناا
صح لساااانك شاعرنا وطاب فالك
تقديري
:
:

**هندي المقبل** · 29/07/08, (01:58 PM)

الشاعر ابن ريحان

قصيده في قمة العذوبه وتحمل الكثير من المعاني الزاهيه

صح لسانك

ودمت بكل ود

**الجوكر** · 29/07/08, (05:24 PM)

ابن ريحان

سلمت بقدر تفكيرك...

ترجمه للأحساس بين اسوار ابياتك

الف شكر وصح لسانك

تقديري

**الصقار** · 29/07/08, (08:02 PM)

ابن ريحان ,,سلمت وصح لسانك ......تقبل مروري .

تحــــــــــــــــــــــــــــــــــــــــــــــــ ــــــــــــــــياتي