ضبابيه - °~*¤®§(§ شبـــكة ويــلان العـربـيـه §)§®¤*~ˆ°

**فهد الغبين** · 28/07/08, (07:17 AM)

من ضباب
لماء
كل هذا / شي عادي
بس من ماء
لضباب
ويتشكل غيم
وشعور
وسحاب

ينفتح للفكر
باب
بس ما أشعر
هنا
يا بشر ماهو بعادي
ساعة ابدا بالقصيد
واطلب من النار ..رحمة
في مدى
هل من مزيد
ولو تزيد النار ..عادي
نارها برد وسلام
حتى لو منها
ما أنام

بنت لامن جت ..أعيش
وابتدي أستشعر
وجودي
وامسك باوتار صدري
لين ارص اوتار
عودي

عودي

من البارح وانا جالس على الزلفه ..وافكر بك=واقول الله لو تشعر ..بما اشعر ..وانا أكتبها
تبعثرني كما ظل ..يعيش الظل ..في قربك=وتتعبني ..بــ/ أحاسيس ٍ من الاشواق ..واتعبها
هنا لحظة صعود الماء ..الي الغيمه ..و YES حبك=هنا لحظة ..تشكلنا طيوف ٍ دوم نعجبها
مساء الماء ..على ما /ما ..يناديلك ..ويغربك=الي ذيك التلال بليل كم هو روحي يغربها
بعيد ..حيث لا عالم ..سواى ..وانتي ..والعبك=وبعض العابك ..العبها ..ولو هي روحي تلعبها
ثمالة شوق تحدوني اليك ..منك ِ ..واقربك=بعد ..ما اقسم ..بربي ..ابد هالخوخه ما اقربها
ونادي .. ايه الجني ..تعال وصب لي بربك=ابي أثمل ..واثملها ..ولو إني ..بخربها
ابي أرسم ..على هذا ..شروق الشمس من غربك=وابي ارسم على هذا ..كسوف الشمس مغربها
وابي أذوق من خمرك ..الين أحس بخمر بك=والين أحس في راسي يغيب ..بعالم أتعبها
ونادي لك ..وانا بحضنك ..ابي اشربك ..وأشرب لك=وابي حتى أواني الشرب ..منك بعد أشربها
أموت بسمتك ..ساعته تبسمتي ..وبسم بك=كلامي هذا ..هذا ..الحين ..وقت البسمة تقضبها
قناديل الفجر ..صاحت ..وصاح الشعر ..إنا أحبك=واذن ..ديك حارتنا ..يصحي حلم كان بها
تبعثر ظل ..واتكون ظلال ..وبعثر ..إلعبك=وعاش بعالمك ..لعبة وحيده ..بس تلعبهاا

**عليا الشمري** · 30/07/08, (09:12 AM)

من البارح وانا جالس على الزلفـه ..وافكـر بـك
واقول الله لو تشعر ..بما اشعـر ..وانـا أكتبهـا
تبعثرني كما ظـل ..يعيـش الظـل ..فـي قربـك
وتتعبني ..ب/ أحاسيس ٍ من الاشـواق ..واتعبهـا
:
حرف وعزف في أن واحد ..
لله دركـ شاعرنا وصح لسانك
قمة الشعر وجدت هنااا
تقديري
:
:

**جنون الحلم** · 30/07/08, (09:26 AM)

ثمالة شوق تحدونـي اليـك ..منـك ِ ..واقربـك
بعد ..ما اقسم ..بربي ..ابد هالخوخه مـا اقربهـا

نص رائع لحد الثماله.............تقبل جنوني مروري.............
اختك جنون الحلم

**صالح العرجان** · 30/07/08, (01:14 PM)

الودق فهد الغبين

كريم هو الشعر من محبرتك لله درها ودر قلمك

صح لسانك

**راعي سميراء** · 31/07/08, (02:48 AM)

يعطيك العافية اخوي وصح لسانك

رائعة بروعة حضورك

دمت بود

**فهد الغبين** · 20/08/08, (01:48 AM)

اقتباس:

المشاركة الأصلية كتبت بواسطة العليا

من البارح وانا جالس على الزلفـه ..وافكـر بـك
واقول الله لو تشعر ..بما اشعـر ..وانـا أكتبهـا
تبعثرني كما ظـل ..يعيـش الظـل ..فـي قربـك
وتتعبني ..ب/ أحاسيس ٍ من الاشـواق ..واتعبهـا
:
حرف وعزف في أن واحد ..
لله دركـ شاعرنا وصح لسانك
قمة الشعر وجدت هنااا
تقديري
:
:

الراقية العليا

حضورك شرف لحرفي فشكرا لك

دمتي بود

**عادل العايش** · 20/08/08, (02:55 AM)

الغاالي

فهد الغبين

الله الله الله عليك وعلى هذا النص الاكثر من راااائع

دائماُ أنت راائع

وصح الله بدنك

ودمت وداام أبدااعك

تقبل مروري

ودمت بخير