!!..( سهــر ليـــل )..!! حب أول ..

[عبدالعزيز الدهمشي]

بسم الله الذي لايضر مع اسمه شيء ..


أحبتي ..
رواد هذا الصرح الشامخ .. بكم ..
منذ زمن بعيد .. وانا اريد الانضمام لهذا الصرح .. لكن حال ماحال بيني وبين ذلك ..

وهاانا بينكم بكل حب .. وغلا .. وفخر .. آملا ان اقدم مايرضي ذوائقكم .. وقلوبكم ..



عربون حب أول ..


صلوا على النبي ..

ياغاليه شابت عيوني.. سهر ليل = آخر محطاته .. قصيد ومثايل
بين الظما..والجوع..والجدي.. وسهيل = وحزنٍ يزلزلني ولاهوب زايل
أجيك عندي لك كلام.. ومراسيل = وأرجع وأقول " اليوم مانيب قايل "
ماودّي أجرح راحتك.. بالتعاليل = ولاودّي أشغلك بـعتاب الرسايل
لكني آحبــك.. (ومشتااااق لك حيل) = وأشفق على شوفك لو الموت حايل
لو بيني وبينـك تحول الغرابيل = دونك تهون المعضلات الهوايل
مايثني العاشق عن العاشق القيل = ولا الفعايل لو تطول الفعايل
ياام العيون الناعسات المضاليل = يامهرةٍ فوق المهار الأصايل
لو للمشاعر ياغرامي "تحاليل " = حلـلت لك قلبي وجبت الدلايل
وأضويت من واهج عيونك قناديل = وأطفيت من ضيم العواذل.. فتااايل
غلاك عندي فوق كل المكاييل = ومالك من الخفرات عندي بداايل
ياحلمي اللي عشت به دون "تأويل" = وياهمّي اللي ماترك لي وسايل
" لو تدري بحزن العيون " المناديل " = ماجفــّـفت دمعٍ من الشوق سااايل "
ياغاليه.. ما بالتغلــّـي محاصيـل = غير الشقى بين الضلوع النحايل
من عام بين أشتاق..وآحنّ..وآميل = والفرح ماله في حياتي جمايل
عايش على رجوى الليال المقابيل = وضلوع صدري فوق قلبي تهااايل
واليوم انا جيتك .. ولاعاااد بي حيل = وأبديت لك ماكنت مخفي وشايل
عسى يطيبـنّ الجروح المساميل = وعسى على الله يعتـدل كل مااايل

محبكم ..

[نايف الشبيعان]

	اللهم صل على محمد وعلى آله وصحبه أجمعين ماشاء الله عبدالعزيز قصيدة رائعة من شخص أروع حيّاك الله بين ربعك وزملاك وبنتظار روائعك القادمة أخوك نايف الشبيعان

[الصقار]

ياغاليه شابت عيوني.. سهـر ليـل
آخـر محطاتـه .. قصيـد ومثايـل
....][`~*¤!||!¤*~`][........ الاخ الكريم عبد العزيز.....يسعدني تسجيل اعجابي بهذه القصيده ...صح لسانك وبيض الله وجهك
ودمت بخير][`~*¤!||!¤*~`][

[خلف الغريب]

ابداع وجمال اخاذ يا عبد العزيز ...

الف صح لسانك على هالجزالة ..

لو تدري بحزن العيون " المناديـل "
.....................................ماجفّفت دمعٍ من الشـوق سااايـل "
ياغاليـه.. مـا بالتغلّـي محاصيـل
....................................غير الشقى بيـن الضلـوع النحايـل
من عام بين أشتاق..وآحنّ..وآميـل
.................................والفرح مالـه فـي حياتـي جمايـل
عايش على رجوى الليـال المقابيـل
...............................وضلوع صدري فوق قلبـي تهااايـل
واليوم انا جيتك .. ولاعاااد بي حيـل
................................وأبديت لك ماكنـت مخفـي وشايـل



نهاية رائعة لمعزوفة جميلة ....

تحياتي عبد العزيز واهلا بك بين اخوانك في ويلان.....

[طلال الايداء]

صح لسانك اخوي عبدالعزيز

ولاهنت على الجزلــــــــــــه

وبداايه رائعه من صاااحب"


اروووووووووووووووع

وفي انتظاار جديدك ان شالله

تقبل تحيااتي

اخوكـــ طلال بن سعود الايـــــــــــــــداء

[عبدالله الحجيلان]

عبد العزيز وحضور يختلف


رائع كعادتك





لو تدري بحزن العيون " المناديـل "
.....................................ماجفّفت دمعٍ من الشـوق سااايـل "
ياغاليـه.. مـا بالتغلّـي محاصيـل
....................................غير الشقى بيـن الضلـوع النحايـل


صح لسانك على هالجزالة .. ملايييييييييين

[مصلح النشمي]

.



الشاعر الرائع عبدالعزيز الدهمشي


كم احب هذا الاسم كثيرا.. وكم اشتقت

لقراءة ابداعاتك..

وكم يسعدنا انضمامك الى ركب الابداع هنا

صح لسانك مليار والابداع ليس بغريبٍ عليك

دمت بهذا التألق وهذه الجزالة

ولا تحرمنا هطولك يالغالي

لك الحب والتقدير


تحياتي لك