إخواني إليكم هذه القصيدة الموجهه إلى الأخ الحميدي بن نبات العنزي ورد الحميدي عليها
آمل أن تحوز على رضاكم
بسم الكريم المستعان المجيدي=أبدا وأسجل وافي القول وآزيد
شاعر ومتمكن وعالي رصيدي=بالعلم والخبرة وعرف الأجاويد
هاوي وراوي للعلوم وقصيدي=مثل الذهب مايصرفه زيد وعبيد
أكتب بذوق ولي مزاجٍ فريدي=ناقد قبل تلقى على المناقيد
من غير ضو وبوصلة ياعضيدي=دليلهم لاضيّعوا للمواريد
آرد عل عدّ الروي وأستفيدي=وأشرب قراح وجمّ من غير تعقيد
هدّاج تيماء ماردي يالحميدي=يابن نبات سطام صلف الأواليد
الشيخ إبن صنعاء خزام العنيدي=مركاي مايحتاج كنّه على حيد
أضرب بكف راحته من حديدي= وأقصر خطى رجل المعادي بلا قيد
أبوعمر هِمّه وباسٍ شديدي=يثبت اليا زاغت قلوب الرعاديد
سيفٍ مجرب مثل سيف الوليدي= صنديد لا عِدّولروس الصناديد
لعل يفداه الحقود البليدي =وأهل الحسد تفداه هي والمقاريد
يفداه ولد اللاش راع الجحيدي= منكر مواقفنا إلى عيّد العيد
ألي عليها كل عاقل شهيدي=لاشتدّ ضرب مشوكات العباريد
عدوّنا نسقيه سمّ وصديدي=عند اللقى بمصقلات البواليد
حتى يفيق وحظرته تستعيدي=للذّاكرة ويجدد الفكر تجديد
يصحي ويركد زين مابه جديدي= هذي فعايلنا قبل عهد أبو زيد
واليوم ضاع الحقّ بين العبيدي=والعالم اللي مثل روس المعاويد
مهما نقول وما نعيد ونزيدي=ناسٍ تبرد ساخن الماء تبريد
عسى زمانك ياعزيزي سعيدي= وأبعد مالمريخ عن كل تنكيد
ردّ الشاعر الأخ الحميدي نبات العنزي
بسم الإله المعتليّ الوحيدي=رباً له إعباده ركوع وسواجيد
الواحد المعبود غيث الهميدي=الرازق المانع على كيف مايريد
العادل الصادق إبيوم الوعيدي=منش السحايب ديم وأيضاً رواعيد
هلا هلابك ياجزيل النشيدي =ويامرحبابك عدّ ماتثمر الغيد
وعداد مايهتزّ خضر الجريدي=حييت يامتعب دلالٍ بغاديد
يابن صبر سيرتك طيب وحميدي = ومنهجك منهاج النشاما القواصيد
شاعر وراوي ماتقول الزهيدي=فاهم فهيم ولاتهاب المهاجيد
فكرك وبالك الصعايب صميدي =كل التجارب خضتها بالمصاعيد
ياماضي نضم القاف عندك تليدي=من عيلمن يطيش جمه على البيد
يالشيخ أبو فيصل فداك النكيدي=ويفداك منهو بس زيف وهرابيد
ويفداك نذلٍ يحتمي بالرديدي=ويفدونك أهل المهزله والحواقيد
وفعولك يالنومسي ماتبيدي=يشهد لها التاريخ عزّ وسراميد
أنتم هل النخوة وكادٍ وكيدي=وأهل المكارم بالشجاعه حواصيد
وأهل الفراسة عوق عزم الضديدي=لكم فزوع المجد ماهي تماجيد
ياملّهين الجار عن كل كيدي= ريف الخوي والضيف ماشاف تصديد
زبن الدخيل إن خاف قصّ الوريدي=لكم على الطولات مسعى وملاكيد
لايهمّك الناقص كثير الفديدي=خلّه على فاله ضعيف التحاميد
وعسى لكم ياليت عمرٍ مديدي= ياطيّب المبدى قوي الأسانيد
وأنا يمين لو يطول الشديدي=أومر وتلقاني مع الوقت ماحيد
أقحمتني بالمدح وأنا بعيدي= والملح زوده قيل فَجّ البواريد
لاكن محب وشوفك اليوم عيدي=وتقديرمن شخصك مودّة وتميد
والقاف مردودة ابوسط البريدي = ياصلك ياراع الوفا دون ترديد
لك التحيّة يالكريم العميدي= ومسجّله عبر الرسايل ابتاكيد
30/05/08, (11:48 AM)
ألأخ أبو عمر
العرض العادي
