إذا بلغ الرضيعُ لنا فطاماً

[نايف الشبيعان]

كتبت الشعر من غلطة خويٍ=تمادى بالغلط وأخطى علينا
كتبته من ظميرٍ باح سدّه =سبايب مزح بلسانٍ مشينا
زميلٍ بالعمل مزحه ثقيلٍ=يعلق بالنّكت والهرج فينا
يقول إن العنوز خبول قوم=من الحد الشمالي نازحينا
ألا ياصاحبي ثمن كلامك =تعدل وإسمع الهرج الثمينا
تفاخر يافتى بامجاد ربعك=ولاكنّ لاتحط الذلّ فينا
تفاخر وإفتخر بافعال ربعك=ولاكن لاتزاودبه علينا
صديقي لاتحسب إنّي غشيمٍ=بتاريخ الرجال الأولينا
أنا من لابة اللي قال بيتٍ=غدى مثل المثل عبر السنينا
إذا بلغ الرضيع لنا فطاما=تَخرّ له الجبابر ساجديناٍ
أنا من لابة تذكر وتخبر=من إعصور الرجال الأقدمينا
كليب الوايلي منّا ومنّا=ملوكن بالقبايل حاكمينا
حكمنا بالقبايل غصب عنها=بني وايل ومن يزعل لعينا
حكمنا حكم ماهو من عددنا=حكمنا بسيف مع قوة يمينا
ثلاثْ ادوَل حكّامٍ عليها=ملوكن بالعرب متبينينا
أنا ماخطيت في حق القبايل=ذكرة الحق والعلم اليقينا
يقول الزير سالم في زمانه=وأبا أذكر ما كتبه الكاتبينا
إذا دارة رحانا مع رحاهم=طحنّاهم وكنّا الطاحنينا
بمعنى لادخلنا حرب كنّا=بقطع الروس قومٍ مسرفينا

نايف الشبيعان

[سالم صالح]

صح السانك ولقد كفيت ووفيت


نايف الشبيعان

قصيدة رائعة ولاتهمك الكلاب اللي تنبح والصراحة هالشخص لايستحق ان تكتب فيه حتى بيت واحد


مبدع حتى في حالة الغضب

[نايف الشبيعان]

سالم صالح يعطيك العافية

وبالنسبه للأشخاص اللي مثل كذا لو مارديت عليهم كان تمادو لاكن كما قال المثل ماضر نهر الفرات لو خاض بعض الكلاب فيه

[سعود المسعودي]

صح السانك ولقد كفيت ووفيت


نايف الشبيعان
الله يعطيك العافيةعلى هالجزله اللي اكبر من مجال اي تعليق
بارك الله فيك ودمت بحفظ الله ورعايته

[تركي صالح]

الاخ العزيز / نايف الشبيعان

عالجت الموقف دون أن تسيء لاحد

وهذا الشيء يحسب لصالحك

لان هذه الاخلاق هي الاخلاق الحقيقيه اللتي يجب أن يتحلى بها الشخص

أهنيك على ما كتبت من خلال هذه القصيده

وأهنيئك على نبل أخلاقك

وهذا الشخص كفاه اللي جاه

عزالله انك كفيت ووفيت

ودمت بكل خير وعافيه

وتقبل فائق التقدير والاحترام


(((( تثبت ))))

[نايف الشبيعان]

صقر الصقور صح بدنك وشهاده أعتز فيها

تركي صالح وصلت المعلومة وأنا أعطيك الضوء الأخضر باللي تشوفة مناسب والشك زايل

تقبلو تحياتي وفائق إحترامي وتقديري

[ماجد الغانم]

نايف الشبيعان ...

صح لسانك ...ولاهنت

قصيدة ...ستظل شامخه على مر التاريخ ...

وبيض الله وجهك كفيت وفيت ...

تقبل تحيااااااتي